கமலுக்கு வில்லனாகும் இளம் ஹீரோ!
Monday August-12 2019

கமல்ஹாசன் நடிப்பில், ஷங்கர் இயக்கத்தில் உருவாக உள்ள ‘இந்தியன் 2’ பல தடைகளை கடந்து வந்திருக்கிறது. படம் கைவிடப்படும் என்று கூறப்பட்ட நிலையில், அனைத்து பிரச்சினைகளையும் முடிவடைந்த நிலையில், இன்று (ஆகஸ்ட் 12) முதல் படப்பிடிப்பு தொடங்க இருப்பதாக தகவல் வெளியாகியுள்ளது.

தற்போது, சித்தார்த், பிரியா பவானி சங்கர் ஆகியோர் இடம்பெறும் காட்சிகள் படமாக்கப்பட உள்ளதாம். இப்படத்திற்காக சித்தார்த் தொடந்து ஒரு வருடம் கால்ஷீட் கொடுத்திருக்கிறாராம்.

இந்த நிலையில், ‘இந்தியன் 2’ வில்லனாக நடிகர் பாபி சிம்ஹா நடிக்க இருப்பதாக தகவல் வெளியாகியுள்ளது. காஜல் அகர்வால், ரகுல் ப்ரீத் சிங், ஐஸ்வர்யா ராஜேஷ், டெல்லி கணேஷ் பிரியா பவானி சங்கர், சித்தார்த் ஆகியோர் ‘இந்தியன் 2’ படத்திற்காக ஒப்பந்தமாகியுள்ள நிலையில், தற்போது பாபி சிம்ஹாவும் இணைந்துள்ளாராம். இவர் கமலுக்கு வில்லனாக நடிக்கிறாராம்.