சிறந்த நடிகர், சிறந்த திரைப்படம் மற்றும் சிறந்த திரைக்கதை என மூன்று தேசிய விருது பெற்ற இந்தி திரைப்படம் ‘அந்தாதுன்’ தமிழில் ரீமேக் ஆகிறது.
தேசிய விருது மட்டும் இன்றி ஆஸ்திரேலியாவில் நடைபெற்ற மெல்போர்ன் திரைப்பட விழாவிலும் பல விருதுகளை வென்ற இப்படம் வசூல் ரீதியாகவும் மிகப்பெரிய வரவேற்பு பெற்றது. இந்தியா மற்றும் சீனாவில் வெளியாகி வசூல் சாதனை படைத்த இப்படம் தமிழில் ரீமேக் ஆகிறது.
நடிகர் தியாகராஜன் இப்படத்தின் தமிழ் ரீமேக்கின் உரிமையை வாங்கியிருக்கிறார். ஆயுஷ்மான் குரானா நடித்த கதாபாத்திரத்தில் பிரஷாந்த் நடிக்கிறார்.

’அந்தாதுன்’ இயக்குநர் ஸ்ரீராம் ராகவன், இயக்கிய ‘ஜானி கத்தார்’ என்ற திரைப்படத்தை ‘ஜானி’ என்ற பெயரில் தமிழில் ரீமேக் செய்து பிரஷாந்த் நடித்தார் என்பது குறிப்பிடத்தக்கது.
இப்படம் குறித்து தியாகராஜன் கூறுகையில், “'அந்தாதுன்’ கதை ஒரு பியானோ மாஸ்டரை மையமாகக் கொண்டது. நடிகர் பிரஷாந்த் லண்டன் டிரினிடி இசைக் கல்லூரி மாணவர் என்பதாலும், நல்ல கைத்தேர்ந்த பியானோ கலைஞர் என்பதாலும் இந்த கதாபாத்திரம் அவருக்கு கைவந்த கலையாக இருக்கும்”என்றார்.

இன்னும் தலைப்பு வைக்கப்படாத இப்படத்தின் நடிகர், நடிகைகள் மற்றும் தொழில்நுட்ப கலைஞர்கள் தேர்வு நடைபெற்று வருகிறது. படக்குழு தேர்வு செய்யப்பட்டவுடன் படப்பிடிப்பை துவக்க தியாகராஜன் திட்டமிட்டுள்ளார்.
VR Dinesh and Kalaiyarasan’s recently released socio-political drama Thandakaaranyam is now streaming on Amazon Prime Video, and the film is witnessing a fresh wave of attention and conversations across India...
ராஜ்கமல் பிலிம்ஸ் இண்டர்நேஷனல் மற்றும் டர்மெரிக் மீடியா தயாரிப்பில் உருவாகி, பரவலாக பாராட்டப்பட்ட ’அமரன்’ திரைப்படம், கோவாவில் நடைபெறும் 56வது இந்திய சர்வதேச திரைப்பட விழாவில் (IFFI) இந்தியன் பனோரமா பிரிவில் தொடக்க திரைப்படமாக அதிகாரப்பூர்வமாக தேர்வு செய்யப்பட்டுள்ளது...
சின்னத்திரையில் இருந்து வெள்ளித்திரைக்கு அறிமுகமாகி உச்ச நடிகர்களாக உயர்ந்தவர்கள் போல், தானும் உச்சத்தை தொட்டு விடலாம் என்ற நம்பிக்கையோடு வெள்ளித்திரையில் நுழைந்த கவின், ஒரு வெற்றி படத்தை கொடுத்து விட்டு தனது செயலில் அதிரடி காட்ட தொடங்கினார்...