இந்த வாரம் கஸ்தூரி வெளியேறப்போவது உறுதியாம்!
Saturday August-24 2019

பிக் பாஸ் சீசன் 3 60 நாட்களை கடந்து விட்டது. போட்டியாளர்களின் எண்ணிக்கையும் குறைந்து வருகிறது. தற்போது இருக்கும் போட்டியாளர்களில் ஒருவர் நாளை வெளியேறப்போகிறார். அது யார்? என்பதை தெரிந்து கொள்ள ரசிகர்கள் ஆர்வமாக இருக்கிறார்கள்.

மேலும், தற்போது எலிமினேஷன் பட்டியலில் இடம் பிடித்திருக்கும் கஸ்தூரி, சேரன், சாண்டி, தர்ஷன் ஆகியோரில் கஸ்தூரி தான் பிக் பாஸ் வீட்டை விட்டு வெளியேற வேண்டும் என்று ரசிகர்கள் விரும்புகிறார்கள். அது அவர்கள் அளிக்கும் வாக்குகளியேயே தெரிந்துவிடுகிறது.

இந்த நிலையில், பிக் பாஸ் வீட்டில் சற்று ஓவராக ரியாக்ட் செய்யும் போட்டியாளர்களை வெளியேற்றி வரும் பிக் பாஸ் இந்த வாரம் கஸ்தூரியை தான் வெளியேற்ற போகிறார் என்று கூறப்படுகிறது. காரணம், கஸ்தூரியின் நடவடிக்கை அனைத்தும் கிரியேட் செய்வது போல இருப்பதோடு, அவர் செய்வதை மக்கள் யாரும் ரசிக்கவில்லை. இதனால், கஸ்தூரி வீட்டில் தேவையில்லாத நபராக இருக்கிறார். வீட்டில் இருக்கும் மற்ற போட்டியாளர்களும் கஸ்தூரி கண்டுக்கொள்ளாமல் இருப்பதாலும், அவரால் நிகழ்ச்சியில் சுவாரஸ்யம் இல்லாமல் போகிறது.

எனவே, இந்த வாரம் கஸ்தூரி வெளியேறிவிட்டால், ஷெரின், வனிதா, சேரன், தர்ஷன், முகேன், கவின், சாண்டி, லொஸ்லியா என 8 போட்டியாளர்கள் இருக்க, வனித தனது ஆட்டத்தை மீண்டும் ஆரம்பிப்பார் என்று எதிர்ப்பார்க்கப்படுகிறது. அப்படி வனிதா ஆட்டத்தை ஆரம்பத்தால் நிகழ்ச்சி சூடுபிடிக்க தொடங்கிவிடும். தற்போது வனிதா அமைதியாக இருப்பதற்கு கஸ்தூரியும் ஒரு காரணம், என்பதால் இந்த வாரம் கஸ்தூரி தான் பிக் பாஸ் வீட்டை காலி செய்யும் நபராக இருப்பார் என்று கூறப்படுகிறது.