நடிகர் நகுல், நடிகை தேவயானி அம்மா மரணம்!
Sunday September-08 2019

தமிழ் சினிமாவில் முன்னணி நடிகைகளில் ஒருவரான தேவயானி மற்றும் நடிகர் நகுல் ஆகியோரது அம்மா இன்று அதிகாலை மரணம் அடைந்தார்.

விஜய், அஜித் உள்ளிட்ட பல முன்னணி நடிகர்களுடன் ஜோடியாக நடித்திருக்கும் தேவயானி, திருமணத்திற்குப் பிறகும் தொடர்ந்து நடித்து வருகிறார். சினிமா மட்டும் இன்றி தொலைக்காட்சி தொடர்களிலும் நடித்து வருகிறார். இவரது தம்பியான நகுல் ‘பாய்ஸ்’ படத்தின் மூலம் நடிகராக ‘காதலில் விழுந்தேன்’, ‘மாசிலாமணி’, ‘கந்தகோட்டை’, ‘தமிழுக்கு எண் ஒன்றை அழுத்தவும்’, ‘வல்லினம்’ உள்ளிட்ட பல படங்களில் ஹீரோவாக நடித்திருக்கிறார். தற்போது ‘எரியும் கண்ணாடி’ என்ற படத்தில் நடித்து வருகிறார்.

இந்த நிலையில், சென்னையில் வசித்து வந்த நகுல் மற்றும் தேவயானியின் அம்மா லட்சுமி ஜெயதேவ், உடல் நிலை பாதிப்பால் சிகிச்சைப் பெற்று வந்தவர், இன்று அதிகாலை சிகிச்சை பலன் இன்றி உயிரிழந்தார்.