உலக நாயகனாகப் போகும் அஜித்!
Wednesday September-13 2017

கடந்த மாதம் வெளியான அஜித்தின் ‘விவேகம்’ எதிர்ப்பார்த்த வெற்றியை பெறவில்லை என்றாலும், சென்னை உள்ளிட்ட பெருநகரங்களில் படத்தின் வசூல் பட்டையை கிளப்புகிறது. 

பல சாதனைகளை நிகழ்த்திய ‘பாகுபலி’-யின் சாதனையையே விவேகம் முறியடித்து தொடர்ந்து வசூலை வாரிகுவித்து வந்ததற்கு அஜித்தின் ரசிகர்கள் மிகப்பெரிய காரணம். எதிர்மறையான விமர்சனங்கள் வந்தும் ஒரு படம் வசூலில் இப்படி சாதனை புரிந்தது என்றால் அது விவேகம் மட்டும் தான் என்றும், அந்த பெருமை அஜித்தையே சேறும் என்றும் கூறுகிறார்கள்.

இந்த நிலையில், விரைவில் விவேகம் மூலம் அஜித் உலக சாதனை படைக்க உள்ளார். அதாவது விவேகம் படத்தின் டீசரை யூடியுபில் இதுவரை 2 கோடிக்கும் மேற்பட்ட பார்வையாளர்கள் பார்த்திருப்பதோடு, 5,54,000 லைக்குகளும் கிடைத்துள்ளது. இன்னும் 17000 லைக்குகள் பெற்றால், உலக அளவில் அதிக லைக்குகள் பெற்ற வீடியோ என்ற சாதனையை விவேகம் பெற்றுவிடும்.

அஜித்தின் இந்த உலக சாதனைக்கு தேவையான 17000 லைக்குகள் எல்லாம் ரொம்ப சாதாரணமானது என்று கூறும் அவரது ரசிகர்கள் தலையை உலக சாதனைப்புரிய வைப்போம் என்று கூறுவதால், அஜித் உலக அளவில் நாயகனாகப் போவது உறுதி.