‘அர்ஜுன் ரெட்டி’ தெலுங்கு ரீமேக் தனுஷுக்கு கொடுக்கவில்லையாம்!
Wednesday September-13 2017

விஜய் தேவரகொண்டா நடிப்பில், சந்தீப் வாங்கா இயக்கத்தில் வெளியாகியுள்ள தெலுங்குப் படமான ‘அர்ஜுன் ரெட்டி’ மிகப்பெரிய வெற்றி பெற்றுள்ளது. குறைந்த முதலீட்டில் எடுக்கப்பட்டுள்ள இப்படம் சர்வதேச அளவில் ரூ.50 கோடியை வசூல் செய்யும் என்று கணிக்கப்பட்டுள்ளது.

இந்த நிலையில், ‘அர்ஜுன் ரெட்டி’ படத்தின் தமிழ் ரீமேக் உரிமையை தனுஷ் வாங்கிவிட்டார் என்று கூறப்பட்டது. ஆனால், இதை மறுத்துள்ள அர்ஜுன் ரெட்டி தயாரிப்பாளர், படத்தின் ரீமேக் உரிமையை இன்னும் யாருக்கும் விற்கவில்லை, என்று தெரிவித்துள்ளார்.

மேலும், இப்படத்தின் இந்தி ரீமேக் குறித்து முன்னணி தயாரிப்பு நிறுவனம் ஒன்றிடம் பேசி வருவதாகவும், அப்படி அந்த நிறுவனம் இந்தியில் ரீமேக் செய்தால், அதையும் சந்தீப் வாங்காவே இயக்க விருப்பம் தெரிவித்துள்ளதாகவும் கூறியுள்ளார்.

அதேபோல் தமிழில் ரீமேக் உரிமையை விற்பது குறித்து பேச்சு வார்த்தையை தொடங்கியுள்ள அர்ஜுன் ரெட்டி குழுவினர், யாரிடம் பேச்சு வார்த்தை நடந்து வருகிறது என்பது சொல்ல மறுத்துவிட்டனர்.