ஆட்டத்தை ஆரம்பித்த வனிதா! - மீண்டும் ரனகளமாகும் பிக் பாஸ் வீடு
Wednesday October-02 2019

பிக் பாஸ் சீசன் 3 இன்று 100 வது நாளை நிறைவு செய்தாலும் வெற்றியாளர் யார்? என்பது வரும் ஞாயிற்றுக்கிழமை தான் தெரியும். 

இதற்கிடையே, பழைய போட்டியாளர்கள் தற்போது பிக் பாஸ் வீட்டுக்குள் விசிட் செய்து வருகிறார்கள். அந்த வகையில் வனிதா, அபிராமி, சாக்‌ஷி ஆகியோர் மீண்டும் பிக் பாஸ் வீட்டுக்குள் வந்திருக்கிறார்கள். வனிதா பிக் பாஸ் வீட்டுக்குள் வந்தாலே ஏதோ பரபரப்பு காத்திருக்கிறது என்பது நிச்சயம். அதேபோல், அவர் தற்போது மீண்டும் பிக் பாஸ் வீட்டை ரனகளப்படுத்துகிறார்.

அதாவது, தர்ஷன் பிக் பாஸ் வீட்டில் இருந்து வெளியேற்றப்பட்டதற்கு ஷெரீனின் காதல் தான் காரணம், என்று அவர் கூறுகிறார். ஏற்கனவே இந்த விஷயத்தில் அவர் ஷெரீனை நோகடித்து நுங்கு சாப்பிட வைத்த நிலையில், மீண்டும் இதே விஷயத்தை இன்று பேசி ஷெரீனை கடுப்பேற்றுகிறார்.

வனிதாவின் இந்த பேச்சுக்கு பதில் ஏதும் பேசாமல் ஷெரீன் அழுதாலும், வனிதாவுக்கு சாக்‌ஷி எதிர்ப்பு தெரிவிப்பதோடு, நீ சொல்வதை ஏற்றுக்கொள்ள முடியாது, என்றும் கூறுகிறார்.

இதனால், அமைதியாக இருந்த பிக் பாஸ் வீடு இன்று ரனகளமாகவது உறுதி என்பது தெரிகிறது.