தமிழகம் முழுவதும் ‘அசுரன்’ சிறப்பு காட்சிகள்! - திரையரங்க எண்ணிக்கை அதிகரிப்பு
Saturday October-05 2019

வெற்றிமாறன் இயக்கத்தில் தனுஷ் நடித்திருக்கும் நான்காவது படம் ‘அசுரன்’. இப்படத்தில் ஹீரோயினாக மஞ்சு வாரியார் நடித்திருக்க, பிரகாஷ்ராஜ், பசுபதி, ஆடுகளம் நரேன் உள்ளிட்ட பலர் முக்கிய வேடங்களில் நடித்திருக்கிறார்.

நேற்று உலகம் முழுவதும் வெளியான இப்படம் ரசிகர்களிடமும், விமர்சகர்களிடமும் மிகப்பெரிய வரவேற்பு பெற்றிருப்பதை தொடர்ந்து, இன்று தமிழகம் முழுவதும் உள்ள அனைத்து திரையரங்கங்களிலும் இப்படத்தின் சிறப்பு காட்சி திரையிடப்பட்டது.

மேலும், கர்நாடகாவில் மட்டும் 90 தியேட்டர்களில் திரையிடப்பட்டிருக்கும் நிலையில், மேலும் 5 தியேட்டர்கள் அதிகரிக்கப்பட்டுள்ளது. அதேபோல், திருநெல்வேலி, தென் ஆற்காடு, வட ஆற்காடு மாவட்டங்களிலும் திரையரங்கங்கள் அதிகரிக்கப்பட்டுள்ளது.

இப்படி தமிழகம் முழுவதும் சிறப்பு காட்சிகள் திரையிடப்படுவது ரஜினிகான்ந்த், விஜய், அஜித் ஆகியோருக்கு மட்டுமே சாத்தியமாக இருந்த நிலையில், தற்போது தனுஷுக்கும் அது சாத்தியமாகியுள்ளது.