மெஹா ஹிட் கொடுத்த இயக்குநரின் கதையை நிராகரித்த விஜய்!
Thursday December-19 2019

’பிகில்’ படத்தை தொடர்ந்து விஜய் ‘கைதி’ புகழ் லோகேஷ் கனகராஜ் இயக்கத்தில் நடித்து வருகிறார். விஜயின் 64 வது படமான இப்படத்தின் படப்பிடிப்பு கர்நாடக மாநிலம், சிவமோகா மாவட்டத்தில் நடைபெற்று வருகிறது.

இதற்கிடையே, விஜயின் 65 வது படம் குறித்த தகவல் தற்போது பரவுவதை தொடர்ந்து, அப்படத்தை இயக்கப் போகும் இயக்குநர், என்று பல இயக்குநர்களின் பெயர்கள் அவ்வபோது உலா வருகிறது. அந்த பெயர்களில் இயக்குநர் வெற்றி மாறனும் ஒருவர்.

தனுஷை வைத்து ‘அசுரன்’ மூலம் மிகப்பெரிய வெற்றியைக் கொடுத்திருக்கும் வெற்றிமாறன் இயக்கத்தில் சூர்யா, விஜய் உள்ளிட்ட பல முன்னணி நடிகர்கள் நடிக்க விருப்பம் தெரிவித்துள்ளதாகவும், நடிகர் விஜய் தரப்பு வெற்றிமாறனை தொடர்புக் கொண்டு விஜயின் விருப்பத்தை தெரிவித்திருப்பதாகவும் கூறப்படுகிறது.

தற்போது சூரியை ஹீரோவாக வைத்து ஒரு படம் இயக்க இருக்கும் வெற்றிமாறன், விஜயின் 65 அது படத்தையும் இயக்க இருப்பதாக கடந்த இரண்டு நாட்களாக தகவல்கள் வெளியாகிக் கொண்டிருக்கிறது. இது குறித்து விஜய் தரப்பு எந்த ஒரு விளக்கமும் அளிக்கவில்லை என்றாலும், வெற்றிமாறன் விஜயிடம் கதை சொல்லியதாக பேட்டிகளில் கூறி வருகிறார்.

இந்த நிலையில், கடந்த 1999 ஆம் ஆண்டு விஜய்க்கு இயக்குநர் வெற்றிமாறன் ஒரு கதை சொல்ல, அவரோ சில காரணங்களுக்காக அந்த கதையை நிராகரித்து விட்டாராம். அதன் பிறகு, சுமார் 10 வருடங்களுக்குப் பிறகு மீண்டும் விஜய்க்கு கதை சொல்லியிருக்கும் வெற்றிமாறன், இந்த முறை விஜயை வைத்து படம் செய்வது உறுதி என்று நம்பத்தகுந்த வட்டாரத்தில் இருந்து தகவல் வெளியாகியிருக்கிறது.