தொழிலதிபராக உருவெடுக்கும் யுவன் ஷங்கர் ராஜா!
Saturday September-16 2017

இசையமைப்பாளர்கள் சிலர் ஹீரோக்களாக உருவெடுத்து வரும் நிலையில், யுவன் ஷங்கர் ராஜா, பிஸ்னஸ் மேனாக உருவெடுத்து வருகிறார். ஆனால், அவர் தொடங்கியிருக்கும் தொழிலும் சினிமாவை சார்ந்தது தான்.

ஏற்கனவே இசை நிறுவனம் ஒன்றை தொடங்கி அதன் மூலம் சினிமா பாடல்களை வெளியிடுவதோடு, தனி இசை ஆல்பங்களையும் தயாரித்து வரும் யுவன் ஷங்கர் ராஜா, தற்போது திரைப்பட விநியோக தொழிலிலும் ஈடுபட உள்ளார்.

கே பிலிம்ஸ் என்ற நிறுவனத்தோடு இணைந்து இத்தொழிலில் ஈடுபட உள்ள யுவன் ஷங்கர் ராஜா, தனது பங்குதாரர் இர்பானுடன் இணைந்து ‘KYIT’ என்ற நிறுவனத்தை தொடங்கியுள்ளார். இந்நிறுவனத்தின் மூலம் தற்போது சில படங்களை விநியோகம் செய்ய உள்ள யுவன், விரைவில் பெரிய அளவில் திரைப்படங்களை விநியோகம் செய்ய உள்ளாராம்.