‘அர்ஜுன் ரெட்டி’ ரீமேக் - தமிழ் நடிகர்களை ஓரம் கட்டிய நிறுவனம்!
Sunday September-17 2017

கடந்த வாரம் வெளியான தெலுங்குப் படமான ‘அர்ஜுன் ரெட்டி’ மிகப்பெரிய வெற்றி பெற்றுள்ளது. உலகம் முழுவதும் ரிலிஸாகியுள்ள இப்படம் சுமார் 50 கோடி ரூபாயை வசூல் செய்யும் என்று கணிக்கப்பட்டுள்ளது. மிக குறைந்த பட்ஜெட்டில் உருவான இப்படத்தினை தமிழ் மற்றும் இந்தியில் ரீமேக் செய்ய பல முன்னணி நடிகர்கள் ஆசைப்படுகிறார்கள்.

தனுஷ் தனது வுண்டர்பார் நிறுவனம் மூலம் அர்ஜுன் ரெட்டி படத்தை தமிழில் ரீமேக் செய்து நடிக்க ஆசைப்பட்டார். இதற்காக பேச்சு வார்த்தையிலும் அவர் தொடர்ந்து ஈடுபட்டு வந்த நிலையில், விஜய் சேதுபதியும் இந்த படத்தில் நடிக்க விரும்பி அதற்கான முயற்சிகளில் ஈடுபட்டு வந்ததாக கூறப்பட்டது.

இந்தி மற்றும் தமிழ் ரீமேக் உரிமியை இதுவரை யாருக்கும் விற்கவில்லை என்று அறிவித்த அர்ஜுன் ரெட்டி தயாரிப்பு தரப்பு, பேச்சு வார்த்தை மட்டுமே நடைபெற்று வருவதாக கூறியிருந்தது.

இந்த நிலையில், மலையால சினிமாவைச் சேர்ந்த இ4 எண்டர்டெயின்மெண்ட் என்ற நிறுவனம் அர்ஜுன் ரெட்டி படத்தின் தமிழ் மற்றும் இந்தி ரீமேக் உரிமையை பெற்றுள்ளது. இரண்டு மொழிகளிலும் முன்னணி ஹீரோக்களை வைத்து திட்டமிட்டுள்ள அந்நிறுவனம் இதற்கான அதிகாரப்பூர்வ அறிவிப்பை விரைவில் வெளியிட உள்ளது.