சிம்புக்கு வில்லனான ஹீரோ!
Monday February-17 2020

காதலர்களாக இருந்து பிரிந்த சிம்புவும், ஹன்சிகாவும் தற்போது ‘மஹா’ என்ற படத்திற்காக இணைந்திருக்கிறார்கள் என்பத் அனைவரம் அறிந்தது தான். இப்படத்தில் சிம்பு விமான ஓட்டுநர் வேடத்தில் நடிக்கிறார். ஹீரோயின் சப்ஜக்ட்டான இப்படத்தில் சிம்புவின் கதாப்பாத்திரம் 40 நிமிடங்கள் மட்டுமே வருமாம்.

தற்போது இப்படத்தின் படப்பிடிப்பு தொடங்கியிருக்கும் நிலையில், சிம்புவும், ஹன்சிகாவும் மீண்டும் நெருக்கமாக பழகுவதாக தகவல் வெளியாகியுள்ளது. அதற்கு ஏற்றவாறு சிம்பு மற்றும் ஹன்சிகா, நெருக்கமாக இருப்பது போன்ற ‘மஹா’ படத்தின் புகைப்படங்களையும் படக்குழு வெளியிட்டு வருகிறது.

இந்த நிலையில், ‘மஹா’ படத்தில் வில்லனாக ஸ்ரீகாந்த் நடிப்பதை படக்குழு அதிகாரப்பூர்வமாக அறிவித்திருப்பதோடு, ஸ்ரீகாந்த் சிறையில் இருப்பது போலவும், அவர் தலையை நோக்கி இரண்டு போலீஸ்காரர்கள் துப்பாக்கியை பிடித்தபடி இருப்பது போன்ற புகைப்படம் அதில் இடம்பெற்றுள்ளது.