கமல் கெட்டப்பில் சந்தானம்!
Thursday March-05 2020

அதர்வா, அனுபமா பரமேஸ்வரன் ஆகியோரை வைத்து ‘தள்ளி போகதே’ படத்தை இயக்கி வரும் ஆர்.கண்ணன், சந்தானத்தை ஹீரோவாக வைத்து ‘பிஸ்கோத்’ என்ற படத்தை இயக்குவதோடு, சொந்தமாக தயாரித்தும் வருகிறார். ‘ஜெயம் கொண்டான்’, ‘கண்டேன் காதலை’, ‘சேட்டை’ என ஆர்.கண்ணன் படங்களில் காமெடி நடிகராக நடித்த சந்தானம், ’பிஸ்கோத்’ மூலம் ஆர்.கண்ணன் இயக்கத்தில் முதல் முறையாக ஹீரோவாக நடிக்கிறார்.

பிஸ்கட் கம்பெனியில் சாதாரண பணியில் இருக்கும் ஒருவர் எப்படி உயர் பதவிக்கு செல்கிறார், என்பதே இப்படத்தின் கதை. இதில் தாரா அலிஷா பெர்ரி, சுவாதி முப்பாலா ஆகியோர் ஹீரோயின்களாக நடிக்கிறார்கள். இவர்களுடன் ஆனந்த்ராஜ், ‘மொட்ட’ ராஜேந்திரன், சிவசங்கர், ‘லொள்ளு சபா’ மனோகர் உள்ளிட்ட பலர் நடிக்க, செளகர் ஜானகி சந்தானத்தின் பாட்டியாக நடிக்கிறார். இது அவருக்கு 400 வது படமாகும்.

மேலும், இப்படத்தில் மூன்று வேடங்களில் நடிக்கும் சந்தானம், ‘சகலகலா வல்லவன்’ படத்தில் கமல் போட்ட வேடத்தையும் போட்டிருக்கிறார். அந்த வேடத்தில் அந்த கால பாணியில் ஒரு சண்டைக் காட்சியும் இருக்கிறது. அதேபோல், ஐதராபாத்தில் பதினெட்டாம் நூற்றாண்டுகளில் உள்ளதுபோல் அரண்மனை தளம் அமைத்து படப்பிடிப்பு நடந்தது.

இசையமைப்பாளர் ரதன் ஏ.ஆர்.ரஹ்மானிடம் உதவியாளராக இருந்தவர். நாம் எதிர்பார்ப்பதை அப்படியே கொடுக்கும் திறமைசாலி. 'அர்ஜுன் ரெட்டி' திரைப்படம் அவருக்கு திருப்புமுனையை ஏற்படுத்தியது.