நயன்தாரா படத்தில் அஜ்மல்!
Wednesday March-18 2020

’பிப்ரவரி 14’ படம் மூலம் தமிழ் சினிமாவில் நடிகராக அறிமுகமான அஜ்மல், ‘அஞ்சாதே’ படம் மூலம் அனைவரும் அறிந்த நடிகராக உருவெடுத்தார். அப்படத்தை தொடர்ந்து ‘TN 07 AL 4777’, ‘திரு திரு துறு திறு’, ‘கோ’ உள்ளிட்ட பல தமிழ்ப் படங்களில் ஹீரோ மற்றும் வில்லனாக நடித்தவர், மலையாளம் மற்றும் தெலுங்குப் படங்களிலும் நடித்து வருகிறார்.

இந்த நிலையில், நயன்தாரா நடிப்பில் உருவாகும் ‘நெற்றிக்கண்’ படத்தில் முக்கிய கதாப்பாத்திரம் ஒன்றுக்காக அஜ்மல் ஒப்பந்தமாகியிருக்கிறார். திரில்லர் படமாக உருவாகும் இப்படத்தில் பெரும் திருப்பம் ஏற்படுத்தும் முக்கியமான கதாப்பாத்திரமாக அஜ்மலின் கதாப்பாத்திரம் அமைந்திருக்கிறதாம்.

ரவுடி பிக்சர்ஸ் சார்பில் இயக்குநர் விக்னேஷ் சிவன் தயாரிக்கும் இப்படத்தை மிலிந்த் ராவ் கதை எழுதி இயக்குகிறார். கிரிஷ் இசையமைக்க, ஆர்.டி.ராஜசேகர் ஒளிப்பதிவு செய்கிறார்.

80 சதவீத படப்பிடிப்பு முடிவடைந்திருக்கும் ‘நெற்றிக்கண்’ படத்தின் படப்பிடிப்பு கொரோனா வைரஸ் பாதிப்பினால் தற்காலிகமாக நிறுத்தப்பட்டிருக்கிறது என்பது குறிப்பிடத்தக்கது.