லட்சுமி மேனன் திருமணத்தில் புதிய திருப்பம்!
Monday April-06 2020

15 வயதில் ஹீரோயினாக நடிக்க தொடங்கிய லட்சுமி மேனன், படிப்பையும் தொடர்ந்தவாறு நடித்துக் கொண்டிருந்தவருக்கு தொடர் வெற்றிகள் கிடைத்ததால் வாய்ப்புகளும் அதிகரிக்க தொடங்கியது. இருந்தாலும், படிப்பை விடாமல் ஒரு பக்கம் நடிப்பு, மறுபக்கம் படிப்பு என்று இருந்தவருக்கு ஹோம்லியான வேடங்கள் மட்டுமே சூட்டாகும் என்பதால், முன்னணி ஹீரோயினாகும் வாய்ப்பு இருந்தும் அது நடக்காமல் போனது. ஆனால், முன்னணி ஹீரோயின்களுக்கு நிகராக தொடர் வெற்றிகளை கொடுத்து வந்தார்.

இதற்கிடையே, லட்சுமி மேனனுக்கு பட வாய்ப்புகள் வருவது திடீரென்று குறைய தொடங்கியது. இதையடுத்து, 2016 ஆம் ஆண்டு வெளியான ‘றெக்க’ படத்திற்குப் பிறகு லட்சுமி மேனனுக்கு வேறு எந்த பட வாய்ப்பும் கிடைக்கவில்லை. இதனால், மீண்டும் கேரளாவுக்கு திரும்பியவர் அங்கு நடன பள்ளி ஒன்றை தொடங்கி நடத்தி வருகிறார்.

இதற்கிடையே, லட்சுமி மேனனுக்கு திருமணம் செய்ய முடிவு செய்த அவரது பெற்றோர், அவருக்கு டாக்டர் மாப்பிள்ளையை பேசி முடித்ததோடு, விரைவில் திருமணம் செய்யவும் திட்டமிட்டிருந்தார்கள். 

இந்த நிலையில், லட்சுமி மேனனுக்கு புதிய பட வாய்ப்பு ஒன்று கிடைத்திருக்கிறது. விக்ரம் பிரபு ஹீரோவாக நடிக்கும் இன்னும் தலைப்பு வைக்கப்படாத படம் ஒன்றில் ஹீரோயினாக ஒப்பந்தம் செய்யப்பட்டுள்ளார். கொரோனா பாதிப்பு முடிந்ததும் இப்படத்தின் படப்பிடிப்பு துவங்க இருப்பதாக கூறப்படுகிறது.

மீண்டும் பட வாய்ப்பு கிடைத்ததால், திருமணத்தை தள்ளி வைக்குமாறு தனது பெற்றோர்களிடம் கேட்டுக் கொண்டிருக்கும் லட்சுமி மேனன், தனக்காக பார்த்த டாக்டர் மாப்பிள்ளையின் தொடர்பில் இருந்தும் விலகிவிட்டதாக கூறப்படுகிறது.