’மாஸ்டர்’ எப்போது வெளியானாலும் கலெக்‌ஷன் இது தான்! - பிரபல விநியோகஸ்தர் கணிப்பு
Sunday April-12 2020

கொரோனா முன் எச்சரிக்கை நடவடிக்கையால் விஜயின் ‘மாஸ்டர்’ படம் வெளியாகவில்லை. இதனால் விஜய் ரசிகர்கள் பெரும் கவலையடைந்திருப்பதோடு, ‘மாஸ்டர்’ படக்குழுவினரும் அவ்வபோது தங்களது வருத்தத்தை ரசிகர்களுடன் பகிர்ந்துக் கொள்கிறார்கள்.

இதற்கிடையே, ‘மாஸ்டர்’ படம் தியேட்டரில் வெளியாகாமல் டிஜிட்டல் தளத்தில் வெளியாகப் போவதாக தகவல் ஒன்று கோலிவுட்டில் பரவி வருகிறது. மேலும், படத்தின் தயாரிப்பாளர்களில் ஒருவரான லலித்குமார், பெரும் நெருக்கடியில் சிக்கி இருப்பதாகவும் கூறப்படுகிறது. எது எப்படியோ, ‘மாஸ்டர்’ வெளியாக இரண்டு மாதங்கள் ஆகும் என்பது தான் தற்போதைய நிலை. இதனால், படத்தின் வசூல் பாதிக்கப்படும் என்றும், பெரிய தொகை கொடுத்து ‘மாஸ்டர்’ படத்தை வாங்கியிருக்கும் விநியோகஸ்தர்கள் பாதிக்கப்படுவார்கள், என்றும் பேச்சு அடுபடுகிறது.

இந்த நிலையில், தமிழ் சினிமாவின் பிரபல விநியோகஸ்தர் ஒருவர், ‘மாஸ்டர்’ இரண்டு மாதமோ அல்லது மூன்று மாதமோ, எத்தனை மாதங்கள் கழித்து வெளியானாலும் தமிழகத்தில் ரூ.40 கோடி வசூல் செய்யும், என்று கணித்துள்ளார்.