பிரபல டிவி நடிகை விபத்தில் மரணம்!
Thursday May-28 2020

கொரோனா ஊரடங்கு நிலவி வரும் இந்த சூழ்நிலையில் பல திரை நட்சத்திரங்கள் மரணம் அடைந்து வருவது திரையுலகினரை அதிர்ச்சியடைய செய்துள்ளது. இம்ரன்கான், ரிஷி கபூர், விசு, சேதுராமன் என பல திரை நட்சத்திரங்கள் கொரோனா காலத்தில் உயிரிழந்துள்ளனர்.

சமீபத்தில் கூட இந்தி சீரியல் நடிகை ஒருவரும், நடிகர் ஒருவரும் படப்பிடிப்பு இல்லாததால் பொருளாதார ரீதியாக பாதிக்கப்பட்டு தற்கொலை செய்துக் கொண்டுள்ளனர்.

இந்த நிலையில், பிரபல மாடல் அழகியும், கன்னட தொலைக்காட்சியின் பிரபல நடிகையுமான மெபினா மைக்கேல் கார் விபத்தில் சிக்கி உயிரிழந்த சம்பவம் பெரும் அதிர்ச்சியை ஏற்படுத்தியுள்ளது.

கடந்த செவ்வாய்க்கிழமை மாலை தேவி ஹள்ளியில் இருந்து கோரக்கில் உள்ள மடிகேரிக்கு மெபினா மைக்கேல் காரில் சென்றிருக்கிறார். அப்போது அவர் சென்ற கார், சாலையில் நிறுத்தி வைக்கப்பட்டிருந்த டிராக்டரில் மோதி ஏற்பட்ட விபத்தில் அவர் சம்பவ இடத்திலேயே உயிரிழந்ததாக கூறப்படுகிறது.

டிவி நடிகை மெபினா மைக்கேலின் மரணம் அவரது ரசிகர்களை பெரும் சோகத்தில் ஆழ்த்தியுள்ளது.