ரசிகர்களின் செயலால் ஆவேசமடைந்த பிரியா பவானி சங்கர்!
Tuesday June-02 2020

தமிழ் சினிமாவில் வேகமாக வளர்ந்து வரும் நடிகைகளில் ஒருவரான பிரியா பவானி சங்கர், ‘இந்தியன் 2’, ‘பொம்மை’, ‘குறத்தி ஆட்டம்’, ’களத்தில் சந்திப்போம்’, ‘கசட தபர’, விஷாலுக்கு ஜோடியாக ஒரு படம் உள்ளிட்ட ஏகப்பட்ட படங்கள் கைவசம் வைத்திருக்கிறார்.

சினிமாவில் பிஸியான நடிகையாக வலம் வரும் பிரியா பவானி சங்கர், சமூக வலைதளங்களிலும் ஆக்டிவாக இருப்பார். தன் வாழ்க்கையில் நடக்கும் சம்பவங்களை சோசியல் மீடியாக்களில் பகிர்வதோடு, ரசிகர்களுடம் அவ்வபோது கலந்துரையாடல் செய்வது, கருத்து தெரிவிப்பது என்று இருப்பார்.

அந்த வகையில், பிரியா பவானி சங்கர் ஒரு விஷயம் குறித்து சமீபத்தில் சோசியல் மீடியாவில் கருத்து தெரிவிக்க, அவரது கருத்து பெண் ஒருவர் எதிர்ப்பு தெரிவித்து பதிவிட்டார். அப்பெண்ணின் எதிர்ப்புக்கு பிரியா பவானி சங்கர், அமைதியான முறையில் விளக்கம் அளிக்க, அவரது ரசிகர்களோ, அந்த பெண்ணை தகாத வார்த்தைகளால் திட்டி கமெண்ட் போட்டார்கள்.

இந்த நிலையில், தனது கருத்துக்கு எதிர்ப்பு தெரிவித்த பெண்ணை தகாத வார்த்தையில் கமெண்ட் அடித்த தனது ரசிகர்களை கடுமையாக சாடியிருக்கும் பிரியா பவானி சங்கர், ”எனக்கு ஆதரவாக பேசுவதற்காக மற்றொருவரை இழிவாக பேசுவதை நான் பொறுத்துக்கொள்ள முடியாது” என்று தெரிவித்துள்ளார்.