கொரோனா பாதிப்பால் உயிரிழந்த பிரபல பாலிவுட் தயாரிப்பாளர்!
Saturday June-06 2020

கொரோனா பாதிப்பால் ஹாலிவுட் சினிமா பிரபலங்கள் உயிரிழப்புகள் அதிகரித்து வந்த நிலையில், இந்திய திரையுலக பிரபலங்கள் பலர் கொரோனாவால் பாதிக்கப்பட்டுள்ளது பெரும் பரபரப்பை ஏற்படுத்தியுள்ளது.

இந்த நிலையில், பிரபல பாலிவுட் திரைப்பட தயாரிப்பாளர் அனில் சூரி, கொரோனாவால் பாதிக்கப்பட்டு உயிரிழந்துள்ள சம்பவம் திரையுலகில் பெரும் அதிர்ச்சியை ஏற்படுத்தியுள்ளது.

ராஜ்குமார், ரேகா நடித்த ‘கர்மயோகி’, தர்மேந்திரா, கமல்ஹாசன் ஆகியோர் நடித்த ‘ராஜ்திலக்’ உள்ளிட்ட பல வெற்றிப் படங்களை தயாரித்த அனில் சூரி, மும்பையில் வசித்து வந்தார். 77 வயதாகும் இவருக்கு கடந்த சில நாட்களுக்கு முன்பு மூச்சு திணறலுடன் காய்ச்சல் ஏற்பட்டுள்ளது. 

இதையடுத்து அவரை தனியார் மருத்துவமனையில் அனுமதித்த போது அவருக்கு கொரோனா தொற்று உறுதியாகியுள்ளது. உடனே அவருக்கு தீவிர சிகிச்சை அளிக்கப்பட்ட போதிலும் உடல் நிலையில் எந்தவித முன்னேற்றமும் ஏற்படமால், அவர் உயிரிழந்தார்.

தயாரிப்பாளர் அனில் சூரியின் உடல் நேற்று தகனம் செய்யப்பட்டது. இதில், அவரது நெருங்கிய உறவினர்கள் 4 பேர் மட்டுமே கலந்துக் கொண்டனர்.