அர்ஜூனின் நெருங்கிய உறவினரான நடிகர் சிரஞ்சீவி மரணம்!
Sunday June-07 2020

கன்னட திரையுலகின் முன்னணி நடிகரும், நடிகர் அர்ஜூனின் அக்கா மகனுமான சிரஞ்சீவி சார்ஜா, இன்று உடல் நலக்குறைவால் மரணம் அடைந்தார். அவருக்கு வயது 39.

2009 ஆம் ஆண்டு முதல் கன்னட சினிமாவில் ஹீரோவாக நடித்து வருபவர் சிரஞ்சீவி சார்ஜா. நடிகர் அர்ஜூனின் அக்கா மகனான இவருக்கும், ’காதல் சொல்ல வந்தேன்’ உள்ளிட்ட தமிழ்ப் படங்களில் நடித்த மேக்னா ராஜுக்கும் கடந்த 2018 ஆம் ஆண்டு திருமணம் நடைபெற்றது.

இந்த நிலையில், சிரஞ்சீவி சார்ஜா, இன்று பெங்களூரில் உள்ள தனியார் மருத்துவமனையில் மரணம் அடைந்தார். அவரது மரணத்திற்கான காரணம் குறித்த அதிகாரப்பூர்வ அறிவிப்பை மருத்துவமனை வெளியிடவில்லை. அதே சமயம், அவர் மருத்துவமனையில் அனுமதிக்கும் போதே, கவலைக்கிடமான நிலையில் இருந்ததாக கூறப்படுகிறது.

39 வயதாகும் நடிகர் சிரஞ்சீவி சார்ஜாவின் மரணம் கன்னட சினிமா மட்டும் இன்றி இந்திய சினிமாவையே அதிர்ச்சியடைய செய்திருக்கிறது.