மறைந்த ஜி.கே-வின் இறுதி சடங்கு இன்று மாலை நடைபெறுகிறது!
Thursday September-21 2017

உடல் நலக்குறைவு காரணமாக இன்று உயிரிழந்த பிரபல கலை இயக்குநரும், நடிகருமான ஜி.கே,வின் இறுதிச் சடங்கு இன்று மாலை 4 மணியளவில் நடைபெறுகிறது.

கோபிநாத் என்கிற ஜி.கே, ரஜினிகாந்த், கமல்ஹாசன், விஜய், அஜித் உள்ளிட்ட பல முன்னணி நடிகர்களின் சுமார் 200 க்கும் மேற்பட்ட திரைப்படங்களில் கலை இயக்குநராக பணியாற்றியுள்ளார். மேல்லும், தங்கம், கலசம், கங்கா போன்ற தொலைக்காட்சி தொடர்களிலும், சில திரைப்படங்களிலும் நடித்துள்ள இவர் உடல் நலக் குறைவால் கடந்த சில மாதங்களுக்கு முன்பு தனியார் மருத்துவமனையில் சிகிச்சைக்காக அனுமதிக்கப்பட்டார்.

இந்த நிலையில் சிகிச்சை பலன் இன்றி இன்று அதிகாலை ஜி.கே உயிரிழந்தார். முதலில் அவர் இன்று (செப்.21) 12.30 மணியவிள இறந்ததாக தகவல் வெளியானது. ஆனால், தற்போது நேற்று நள்ளிரவு 11.30 மணிக்கு அவர் உயிரிழந்ததாக கூறப்படுகிறது.

ஜி.கே-வுக்கு நாகேஸ்வரி என்ற மனைவியும் ஹேமா என்ற மகள், கிருஷ்ணகாந்த் என்ற மகன் உள்ளனர். அவரது இறுதி சடங்கு இன்று மாலை 4 மணிக்கு போரூரில் உள்ள மயானத்தில் நடக்கிறது.

சென்னை, வளசரவாக்கத்தில் அஞ்சலிக்காக வைக்கப்பட்டுள்ள அவரது உடலுக்கு திரைத்துறையினர் அரசியல் கட்சியினர் பொதுமக்கள் மரியாதை செலுத்தி வருகின்றனர்.