சூர்யா ரசிகர்களுக்கு மகிழ்ச்சியான செய்தி!
Wednesday July-22 2020

கொரோனாவால் பாதிக்கப்பட்டிருக்கும் மக்களுக்கும், சாலை ஓரம் வசிப்பவர்களுக்கும் நடிகர் சூர்யாவின் ரசிகர்கள் உதவி செய்து வருகிறார்கள். சுமார் 100 நாட்களுக்கு மேலாக தொடரும் அவர்களது இந்த உதவி, வரும் ஜூலை 23 ஆம் தேதிக்காக விஸ்வரூபம் எடுக்க உள்ளது. ஆம், ஜூலை 23 ஆம் தேதி நடிகர் சூர்யாவுக்கு 45 வது பிறந்தநாள். இதனை கொண்டாடும் வகையில், சூர்யாவை போலவே அவரது ரசிகர்களும் பல்வேறு சமூக பணிகளையும், ஏழை எளியவர்களுக்கு உதவி செய்யவும் திட்டமிட்டுள்ளார்கள்.

அதன்படி ஜூலை 23 ஆம் தேதி, சென்னையில் 45 ஆதரவற்றோர் இல்லங்களுக்கு உணவு வழங்குகிறார்கள். மேலும், தமிழ்நாடு முழுவதிலும் வழக்கமாக உணவு வழங்கப்படுகிறது. இப்படி சூரியாவின் 45 வது பிறந்த நாளை சேவை நாளாக கொண்டாடும் சூர்யாவின் ரசிகர்களுக்கு மகிழ்ச்சியளிக்கும் தகவல் ஒன்று வெளியாகியிருக்கிறது.

அதாவது, சூர்யாவி நடிப்பில் உருவாகியுள்ள ‘சூரரைப் போற்று’ திரைப்படத்தின் ரிலீஸ் கொரோனா பாதிப்பால் தள்ளி போனாலும், அவ்வபோது அப்படத்தின் அப்டேட் மற்றும் பாடல்கள் வெளியாகி ரசிகர்களை மகிழ்ச்சியடை செய்கிறது. அதன்படி, சூர்யாவின் பிறந்தநாளுக்கு ‘சூரரைப் போற்று’ படத்தின் 3 வது பாடலை, வெளியிட உள்ளதாக 2டி நிறுவனம் அறிவித்துள்ளது.