Latest News :

கிராமத்தை மையப்படுத்திய சஸ்பென்ஸ் திரில்லர் ‘டேனி’ - நாளை ரிலீஸ்
Friday July-31 2020

தமிழ் சினிமாவில் திகில் மற்றும் திரில்லர் படங்களுக்கு என்று தனி ரசிகர்கள் இருப்பார்கள். அப்படிப்பட்ட ரசிகர்களுடன் ஒட்டு மொத்த சினிமா ரசிகர்களையும் கவரக்கூடிய ஒரு படமாக உருவாகியுள்ளது ‘டேனி’.

 

வரலட்சுமி சரத்குமார் கதையின் நாயகியாக காவல் துறை அதிகாரியாக நடித்திருக்கும் இப்படத்தில், அவருக்கு இணையான வேடத்தில் காவல் துறை அதிகாரியாக ‘களவாணி 2’ மூலம் வில்லனாக அறிமுகமான பப்ளிக் ஸ்டார் துரை சுதாகர் நடித்திருக்கிறார். இவர்களுடன் அனிதா சம்பத், வேல ராமமூர்த்தி, கவின் உள்ளிட்ட பலர் நடித்திருக்கிறார்கள்.

 

பொதுவாக சஸ்பென்ஸ் திரில்லர் ஜானர் படங்கள் அனைத்தும் நகரத்தை மையப்படுத்தியதாகவே இருக்கும். ஆனால், ‘டேனி’ திரைப்படம் கிராமத்தை மையப்படுத்திய சஸ்பென்ஸ் திரில்லராகும். இதனால் தான் இப்படத்தின் மீது பெரும் எதிர்ப்பார்ப்பு ஏற்பட்டுள்ளது. கிராமம் ஒன்றில் இளம் பெண்கள் கொடூரமான முறையில் கொலை செய்யப்பட அந்த கொலையின் பின்னணியை கண்டுபிடிப்பது தான் கதை.

 

இதை விறுவிறுப்பான காட்சிகளோடும், சுவாரஸ்யமான திரைக்கதை மூலமாகவும், எதிர்ப்பாராத திருப்பங்களோடும் சொல்லியிருக்கும் இயக்குநர் எல்.சி.சந்தானமூர்த்தி, நாய் ஒன்றை முக்கியமான கதாப்பாத்திரத்தில் நடிக்க வைத்திருக்கிறார். படத்தின் தலைப்பே அந்த நாயின் பெயர் தான். இப்படத்தில் நடித்திருக்கும் நடிகர்கள் எப்படி கதாப்பாத்திரங்களுடன் கச்சிதமாக பொருந்தி இயல்பான நடிப்பை வெளிப்படுத்தியிருக்கிறார்களோ, அதேபோல் டேனி என்ற கதாப்பாத்திரத்தில் நடித்திருக்கும் அந்த நாயின் செயல்பாடுகள் ரசிகர்களை கவரும் விதத்தில் இருக்கும், என்று இயக்குநர் நம்பிக்கை தெரிவித்துள்ளார்.

 

Public Star Durai Sudhakar

 

‘களவாணி 2’ படத்தில் தஞ்சை அரசியல்வாதியாக, இயல்பாக நடித்து அசத்திய பப்ளிக் ஸ்டார் துரை சுதாகார், இப்படத்தில் தஞ்சை மாவட்டத்தைச் சேர்ந்த காவல் துறை அதிகாரியாக நடித்து படக்குழுவினரிடம் பாராட்டு பெற்றவர், படத்தின் ரிலீஸுக்குப் பிறகு ரசிகர்களிடமும் பாராட்டு பெறுவார்.

 

ஒளிப்பதிவாளரும் இயக்குநருமான பி.ஜி.முத்தையா தனது பி.ஜி மீடியா ஒர்க்ஸ் மூலம் தயாரித்திருக்கும் ‘டேனி’ நாளை (ஆகஸ்ட் 1) ZEE5 ஒடிடி தளத்தில் வெளியாகிறது.

Related News

6855

’டிவைன் மிராக்கல் அண்ட் சீக்ரெட்ஸ் 2’ புத்தகம் வெளியீட்டு விழாவில் பங்கேற்ற திரை பிரபலங்கள்
Thursday July-03 2025

தன்வீர் தயானந்த யோகி ஜெயந்தி விழா ஜூலை 2 ஆம் தேதி கோலாகலமாக கொண்டாடப்பட்ட நிலையில், இவ்விழாவை முன்னிட்டு ’தெய்வீக அற்புதங்களும் மற்றும் ரகசியங்களும்’ என்று சொல்லக்கூடிய ‘டிவைன் மிராக்கல் அண்ட் சீக்ரெட்ஸ்’ (Divine Miracles and Secrets - Part 2) என்ற புத்தகத்தின் இரண்டாம் பாகம் வெளியிடப்பட்டது...

பெரிய டங்களில் சட்ட விரோத செயல்கள் தான் பெரிதாகக் காட்டப்படுகின்றன - ’மகேஸ்வரன் மகிமை’ பட விழாவில் கே.ராஜன் பேச்சு
Tuesday July-01 2025

எஸ்பிஏ புரொடக்ஷன்ஸ் நிறுவனம் சார்பில் உருவாகி இருக்கும் படம் ’மகேஸ்வரன் மகிமை’...

’தேசிங்குராஜா 2’-வின் வெற்றிக்கு விமல் தான் முக்கிய காரணமாக இருக்கப் போகிறார் - இயக்குநர் எழில் உறுதி
Tuesday July-01 2025

நடிகர் விஜய் நடித்து மிகப்பெரிய வெற்றிபெற்ற ‘துள்ளாத மனமும் துள்ளும்’ படம் மூலம் இயக்குநராக அறிமுகமான இயக்குநர் எழில், திரையுலகில் தனது 25 வருடத்தில் அடியெடுத்து வைத்துள்ளார்...

Recent Gallery