புது முயற்சியில் விமல்!
Friday December-11 2020

ஒரே ஷாட்டில் படமாக்கப்பட்ட சில படங்கள் தமிழ் சினிமாவில் வெளியாகியிருந்தாலும், அவை புதுமுக நடிகர்கள் நடித்த படங்களாகவே உள்ளது. ஆனால், பிரபல நடிகர் நடித்த படத்தை இதுவரை ஒரே ஷாட்டில் படமாக்கப்படவில்லை. தற்போது அந்த சாதனையை விமல் நிகழ்த்த இருக்கிறார். ஆம், விமல் நடிப்பில் உருவாகும் திகில் படம் ஒரே ஷாட்டில் படமாக்கப்பட உள்ளது.

’கழுகு 2’ படத்தை தொடர்ந்து மதுக்கூர் மூவி மேக்கர்ஸ் சார்பில் சிங்காரவடிவேலன் தயாரிக்கும் இப்படத்தை ‘1 பந்து 4 ரன் 1 விக்கெட்’ படத்தை இயக்கிய வீரா இயக்குகிறார். இதில் விமல் ஹீரோவாக நடிக்க, ஹீரோயின், மற்ற நடிகர், நடிகைகள் தேர்வு நடைபெற்று வருகிறது.  

நடைபெற்று முடிந்த தயாரிப்பாளர் சங்க தேர்தலில், துணைத்தலைவர் பதவிக்கு தயாரிப்பாளர் சிங்காரவடிவேலன் போட்டியிட்டபோது, அவருக்கு உறுதுணையாக, தீவிர வாக்கு சேகரிப்பில் ஈடுபட்டவர் இயக்குநர் வீரா. இதனால் அவரை கவுரவப்படுத்தும் விதமாக, இந்த பட வாய்ப்பை, அவருக்கு சிங்காரவடிவேலன் வழங்கியுள்ளார்.

இப்படத்தின் பூஜை எளிமையான முறையில் இன்று நடைபெற்றது. படப்பிடிப்பு வரும் ஜனவரி மாதம் சென்னையில் தொடங்குகிறது.