நயன்தாரா தயாரிக்கும் ரொமான்ஸ் திரைப்படம்!
Wednesday February-17 2021

தமிழ் சினிமாவின் லேடி சூப்பர் ஸ்டாராக வலம் வரும் நயன்தாரா, தனது காதலரான இயக்குநர் விக்னேஷ் சிவனுடன் இணைந்து ‘ரவுடி பிக்சர்ஸ்’ என்ற நிறுவனத்தை தொடங்கி, அதன் மூலம் திரைப்படங்கள் தயாரிப்பு மற்றும் விநியோகத்தில் ஈடுபட்டு வருகிறார்.

அந்த வகையில், ரவுடி பிக்சர்ஸ் சார்பில் ‘நெற்றிக்கண்’ மற்றும் ‘காத்து வாக்குல ரெண்டு காதல்’ ஆகிய திரைப்படங்களை தயாரிக்கும் நயன்தாரா - விக்னேஷ் சிவன் ஜோடி, ‘கூழாங்கல்’ மற்றும் ‘ராக்கி’ ஆகிய திரைப்படங்களில் விநியோக உரிமையையும் கைப்பற்றியுள்ளது.

இந்த நிலையில், ரவுடி பிக்சர்ஸ் நிறுவனம் புது படத்தின் அறிவிப்பு ஒன்றை வெளியிட்டுள்ளது. அதன்படி, விக்னேஷ் சிவனிடம் உதவி இயக்குநராக பணியாற்றிய வினாயக் இயக்கத்தில் ஒரு படத்தை தயாரிக்கின்றது. ரொமான்ஸ் திரைப்படமாக உருவாகும் இப்படத்திற்கு ‘வாக்கிங் டாக்கிங் ஸ்ட்ராபெரி ஐஸ் க்ரீம்’ (Walking/Talking Strawberry Ice Cream) என்று தலைப்பு வைக்கப்பட்டுள்ளது.

முழுக்க முழுக்க காதலை மையப்படுத்திய காமெடி கலந்த கமர்ஷியல் திரைப்படமாக உருவாகவுள்ள இப்படத்தின் படப்பிடிப்பு ஏப்ரல் மாதம் தொடங்குகிறது.