சாதனையாளர்களை பாராட்டி பரிசளித்த தயாரிப்பாளர் செண்பகமூர்த்தி
Wednesday March-31 2021

பஞ்சாப் மாநிலத்தில், மார்ச் 15 ஆம் தேதி முதல் 19 ஆம் தேதி வரை நடைபெற்ற 24 வது தேசிய ஃபெடரேஷன் கோப்பை தடகளப் போட்டியில், தமிழகத்தின் சார்பில் பங்கேற்ற திருச்சியை சேர்ந்த தனலெட்சுமி 100 மீட்டர் ஓட்டப்பயந்த போட்டியில் தங்கப் பதக்கத்தையும், 200 மீட்டர் போட்டியில், 23.26 விநாடிகளில் பந்தய தூரத்தை கடந்து வெள்ளிப் பதக்கத்தையும் வென்றார். இதன் மூலம், 23 ஆண்டுகளுக்கு முன் பி.டி உஷா நிகழ்த்திய சாதனையை தனலெட்சுமி முறியடித்து வரலாற்று சாதனை படைத்துள்ளார்.

அதேபோல், 100 மீட்டர் ஓட்டப்பந்தயப் போட்டியில் இலக்கிய தாசன் வெள்ளிப் பதக்கத்தையும், 200 மீட்டர் போட்டியில் தங்கப் பதக்கத்தையும் வென்றார்.

இந்த நிலையில், சென்னை மாவட்ட முதுநிலை தடகள சங்கத்தின் தலைவரும், திரைப்பட தயாரிப்பாளருமான ரெட் ஜெயிண்ட் மூவிஸ் செண்பகமூர்த்தி, சாதனை படைத்த விளையாட்டு வீரர்கள் இருவரையும் பாராட்டி பரிசளித்தார்.