Latest News :

‘அன்பறிவு’ பர்ஸ்ட் லுக் ரிலீஸ் - புதிய கெட்டப்பில் ஹிப்ஹாப் ஆதி
Friday April-16 2021

அறிமுக இயக்குநர் அஷ்வின் ராம் இயக்கத்தில், சத்யஜோதி பிலிம்ஸ் நிறுவனம் சார்பில் டி.ஜி.தியாகராஜன் தயாரிப்பில், ஹிப்ஹாப் ஆதி ஹீரோவாக நடிக்கும் படம் ‘அன்பறிவு’.

 

அனைத்து வகை ரசிகர்களும் குடும்பத்துடன் கொண்டாடும் கமர்சியல் திரைப்படமாக, மிகப்பெரிய பொருட்செலவில் பிரம்மாண்டமாக உருவாகும் இப்படத்தில், நெப்போலியன், சாய்குமார், ஆஷா சரத், விதார்த், விஜய் டிவி தீனா, காஷ்மீரா, ஷிவானி ராஜசேகர் மற்றும் பல முன்னணி நட்சத்திர நடிகர்கள் நடிக்கிறார்கள். முதல் முறையாக இப்படத்தில் ஹிப்ஹாப் ஆதி கிராமத்து பின்னணியில் மதுரை வட்டார வழக்கு பேசி நடித்துள்ளார்.

 

நெப்போலியன், ஹிப்ஹாப் ஆதி இணைந்து தோன்றும் காட்சிகள் படத்தின் வெகு முக்கிய அம்சமாக இருக்கும். மேலும் திரிஷியம் புகழ் ஆஷா சரத் மற்றும் காஷ்மீரா ஆகியோருடன் முன்னெப்போதும் கண்டிராத பாத்திரத்தில் விதார்த் ஆகியோர் இப்படத்தில் தோன்றுகிறார்கள்.

 

’அன்பறிவு’ கிராமத்து பின்னணியில் மட்டுமல்லாது, தமிழ் ரசிகர்கள் இதுவரை பார்த்திராத ரஷ்யாவின் வெகு அழகான இடங்களிலும் படமாக்கப்பட்டுள்ளது. திறமையான, புத்தம் புது நாயகி ஷிவானி ராஜசேகர் பங்குபெறும் காட்சிகள் ரஷ்ய பின்னணியில் அனைவர் மனதையும் கவரும் வகையில் படமாக்கப்பட்டுள்ளது.

 

சரியான அளவில் காமெடி, காதல், செண்டிமெண்ட், கிராம மற்றும் நகர பின்னணி என அனைத்தும் கலந்த வகையில் குடும்பத்துடன் கொண்டாடும் வகையிலான திரைப்படமாக உருவாகி வரும் ‘அன்பறிவு’ படத்தின் பர்ஸ்ட் லுக் போஸ்டரை சமீபத்தில் வெளியிட்டது. ஹிப்ஹாப் ஆதி புதிய கெட்டப்பில் இருக்கும் இப்போஸ்டர் ரசிகர்களிடம் பெரும் வரவேற்பு பெற்றுள்ளது.

 

மாதேஷ் மாணிக்கம் ஒளிப்பதிவு செய்துள்ள இப்படத்திற்கு பொன் பார்த்திபன் வசனம் எழுதியுள்ளார். பிரதீப் ஈ.ராகவ் படத்தொகுப்பு செய்துள்ளார். ஹிப்ஹாப் ஆதியின் இசையில் பாட்லகள் அனைத்து சூப்பர் ஹிட் பாடல்களாக உருவாகியுள்ளது.

 

விரைவில் படத்தின் பாடல்கள் மற்றும் டிரைலரை வெளியிட திட்டமிட்டுள்ள தயாரிப்பு தரப்பு அதை தொடர்ந்து படத்தையும் வெளியிட முடிவு செய்துள்ளது.

Related News

7475

விஷாலின் புதிய படம் பூஜையுடன் தொடங்கியது
Thursday May-06 2021

ஆனந்த் சங்கர் இயக்கத்தில் விஷால் நடித்து வரும் ‘எனிமி’ படம் இறுதிக்கட்டத்தை எட்டியுள்ளது...

கொரோனாவால் பலியான நடிகர் பாண்டு பற்றிய சர்ச்சையால் பரபரப்பு
Thursday May-06 2021

கொரோனாவால் பாதிக்கப்பட்டு தனியார் மருத்துவமனையில் சிகிச்சை பெற்று வந்த காமெடி நடிகர் பாண்டு, இன்று சிகிச்சை பலன் இன்றி உயிரிழந்தார்...

வீட்டில் இருந்த ஆண்ட்ரியா கொரோனாவால் பாதிக்கப்பட்டது எப்படி? - அதிர்ச்சி தகவல்
Thursday May-06 2021

இந்தியாவை கொரோனா இரண்டாவது அலை புரட்டிப்போட்டுக் கொண்டிருக்கிறது...