பிக் பாஸ் 5 வது சீசனின் தொகுப்பாளர் இவர் தான்! - அட்வான்ஸும் வாங்கிட்டாராம்
Sunday May-23 2021

தொலைக்காட்சி நிகழ்ச்சிகளில் நம்பர் ஒன் நிகழ்ச்சியாக உள்ள பிக் பாஸ் தமிழில் இதுவரை நான்கு சீசன்கள் நிறைவுபெற்றுள்ள நிலையில், ஐந்தாவது சீசனுகான ஆரம்ப கட்டப் பணிகள் தற்போது தொடங்கியிருப்பதாக தகவல் வெளியாகியுள்ளது. அதே சமயம், கொரொனா பரவலின் இரண்டாவது அலை மிகப்பெரிய பாதிப்பை ஏற்படுத்தி வருவதால், நான்காவது சீனைப் போல் ஐந்தாவது சீசனும் இந்த ஆண்டின் இறுதியில் ஒளிபரப்பு செய்யப்பட உள்ளதாம்.

இதற்கிடையே, தமிழ் பிக் பாஸின் நான்கு சீசன்களிலும் தொகுப்பாளராக வந்த நடிகர் கமல்ஹாசன், தீவிர அரசியலில் ஈடுபட்டுள்ளதாலும், அவருடைய கட்சி சட்டமன்ற தேர்தலில் போட்டியிட்டதாலும், அவர் பிக் பாஸ் ஐந்தாவது சீசனில் தொகுப்பாளராக பங்கேற்க மட்டார் என்றும், அவருக்கு பதிலாக நடிகர் சிம்புவை தொகுப்பாளராக்கும் முயற்சியில் பிக் பாஸ் நிகழ்ச்சி தயாரிப்பு குழு ஈடுபட்டுள்ளதாகவும் கூறப்படுகிறது. மேலும், சில பிரபலங்களின் பெயர்களும் இது தொடர்பாக அடிபட்டது.

இதனால், பிக் பாஸின் ஐந்தாவது சீசனை தொகுத்து வழங்கும் நடிகர் யார்? என்ற கேள்வி பிக் பாஸ் ரசிகர்கள் மனதில் எழுந்ததோடு, அது பற்றி அறிய ஆவலாகவும் இருந்தார்கள்.

இந்த நிலையில், பிக் பாஸ் ஐந்தாவது சீசனின் தொகுப்பாலர் யார்? என்ற தகவல் தற்போது வெளியாகியுள்ளது. இந்த ஐந்தாவது சீசனை நடிகர் கமல்ஹாசன் தான் தொகுத்து வழங்கப்போகிறாராம். அதுமட்டும் அல்ல, விஜய் தொலைக்காட்சி பிக் பாஸ் நிகழ்ச்சியை தயாரிக்கும் எண்டமோல் நிறுவனத்துடன் 10 வருடங்கலுக்கு ஒப்பந்தம் போட்டிருப்பதாகவும், ஆக இன்னும் ஒளிபரப்பாக இருக்கும் 6 சீசன்களுக்கும் கமல்ஹாசன் தான் தொகுப்பாளராக வருவார் என்றும் கூறப்படுகிறது.

மேலும், பிக் பாஸ் ஐந்தாவது சீசனை தொகுத்து வழங்குவதற்காக கமல்ஹாசன், தமிழக சட்டமன்ற தேர்தலுக்கு முன்பாகவே அட்வான்ஸ் தொகை பெற்று விட்டதோடு, அந்த பணத்தை வைத்து தான் தனது கட்சியின் தேர்தல் செலவுகளை அவர் செய்ததாகவும் கூறப்படுகிறது.