அதர்வா முரளி புரட்சியாளராக நடிக்கும் ‘அட்ரஸ்’
Wednesday June-23 2021

’குங்கும பூவும் கொஞ்சும் புறாவும்’, ‘வானவராயன் வல்லவராயன்’ ஆகிய படங்களை இயக்கியிருக்கும் இராஜாமோகன், மூன்றாவதாக இயக்கும் படம் ‘அட்ரஸ்’.

1956 ஆம் ஆண்டு மொழிவாரி மாநிலமாக பிரிக்கிற போது தமிழ்நாட்டுக்கும், கேரளாவுக்கும் நடுவில் சிக்கி கொண்டு தனது அட்ரஸை தொலைத்த ஒரு கிராமத்திற்கு மீண்டும் அட்ரஸ் கிடைத்ததா இல்லையா, என்பதே இப்படத்தின் கதை.

உண்மை சம்பவத்தை மையமாக வைத்து உருவாகி வரும் இப்படத்தில் புரட்சிகரமான இளைஞராக காளி என்ற வேடத்தில் அதர்வா முரளி நடித்திருக்கிறார். படத்தின் முக்கியமான கதாப்பாத்திரமான இதில், நட்புக்காக கேட்டவுடன் அதர்வா நடித்து கொடுத்தாராம்.

ஒரு காதல் பாடல் மற்றும் இரண்டு சண்டைக்காட்சிகளும், புரட்சிகரமான பல காட்சிகளையும் கொண்ட அதர்வாவின் கதாப்பாத்திரம் இளைஞர்களிடையே நல்ல வரவேற்பு பெறும், வகையில் வந்திருக்கிறதாம்.

அதர்வாவுக்கு ஜோடியாக பூஜா ஜவ்வேரி நடிக்கிறார். இவர்களுடன் இசக்கி பரத், புதுமுகம் தியா, தம்பி ராமையா, தேவதர்ஷினி, ஏ.வெங்கடேஷ், மெட்ராஸ் நந்தகுமார், நாகேந்திரன், கோலி சோடா முத்து உள்ளிட்ட பலர் நடிக்கிறார்கள்.

இராஜாமோகன் கதை, திரைக்கதை, வசனம் எழுதி இயக்கும் இப்படத்திற்கு ‘மெரீனா’, ‘மூக்குத்தி அம்மன்’, ‘நெற்றிக்கண்’ ஆகிய படங்களுக்கு இசையமைத்த கிரிஷ் கோபாலகிருஷ்ணன் இசையமைக்கும் இப்படத்திற்கு சினேகன், மோகன் ராஜா, கானா ஹரி ஆகியோர் பாடல்கள் எழுதியுள்ளனர். தியாகு படத்தொகுப்பு செய்ய, சில்வ சண்டைக்காட்சிகளை வடிவமைக்கிறார்.

காக்டைல் சினிமா சார்பில் அஜய் கிருஷ்ணா தயாரிக்கும் இப்படத்தின் படப்பிடிப்பு மலைகளிலும், மலை சார்ந்த பகுதிகளிலும் படமாக்கப்பட்டுள்ளது.

தற்போது படப்பிடிப்பு முடிவடைந்த நிலையில், இறுதிக்கட்ட படப்பிடிப்பு நடைபெற்று வரும் நிலையில், படத்தின் பர்ஸ்ட் லுக் மற்றும் டீசரை படக்குழு இன்று வெளியிட்டுள்ளது.