வனிதாவுடன் நடித்த பவர் ஸ்டாருக்கு ஏற்பட்ட திடீர் மயக்கம்!
Wednesday September-29 2021

காமெடி நடிகரான பவர் ஸ்டார் சீனிவாசன், ‘பிக்கப் டிராப்’ என்ற படத்தில் கதையின் நாயகனாக நடித்து வருவதோடு, அப்படத்தை இயக்கவும் செய்கிறார். இப்படத்தில் நாயகியாக வனிதா விஜயகுமார் நடிக்கிறார். 

இப்படத்தின் புகைப்படத்தை வைத்து தான்,  பவர் ஸ்டாருக்கும் வனிதாவும் திருமணமாகி விட்டது, என்ற வதந்தியை கிளப்பி விட்டார்கள். இதையடுத்து பவர் ஸ்டார் மற்றும் வனிதா இருவரும் இணைந்து திருமண வதந்தி குறித்து விளக்கம் அளித்தார்கள்.

‘பிக்கப் டிராப்’ படத்தின் படப்பிடிப்பு சென்னையில் நடைபெற்று வரும் நிலையில், இன்று பவர் ஸ்டார் சீனிவாசன், வனிதாவுடன் நடித்துக் கொண்டிருந்த போது திடீரென மயங்கி விழுந்தார். இதனால் அதிர்ச்சியடைந்த படக்குழுவினர், அருகே இருந்த தனியார் மருத்துவமனைக்கு பவர் ஸ்டாரை அழைத்துச் சென்றனர்.

தற்போது மருத்துவமனையில் சிகிச்சை பெற்று வரும் பவர் ஸ்டார் சீனிவாசனுக்கு, திடீரென ஏற்பட்ட ரத்த அழுத்த மாறுபாடு காரணமாக மயக்கம் ஏற்பட்டதாக மருத்துவர்கள் தெரிவித்துள்ளனர்.