Latest News :

ஆயுத பூஜை ஸ்பெஷலாக அமேசானில் வெளியாகும் ஜோதிகாவின் ‘உடன்பிறப்பே’
Thursday September-30 2021

நடிகர் சூர்யா தனது 2டி நிறுவனம் சார்பில் அமேசான் ஒடிடி தளத்திற்காக நான்கு படங்களை தயாரித்துள்ளார். ‘ஜெய்பீம்’, ‘இராமே ஆண்டாலும் இராவனே ஆண்டாலும்’, ‘உடன்பிறப்பே’, ‘ஓ மை டாக்’ ஆகிய இந்த நான்கு படங்களில் ‘இராமே ஆண்டாலும் இராவனே ஆண்டாலும்’ சமீபத்தில் அமேசான் ஒடிடி தளத்தில் வெளியாகி ரசிகர்களிடம் வரவேற்பு பெற்ற நிலையில், அடுத்த படத்தின் ரிலீஸ் தேதி இன்று அறிவிக்கப்பட்டுள்ளது.

 

அதன்படி, ஜோதிகாவின் 50 வது திரைப்படமாக உருவாகியுள்ள ‘உடன்பிறப்பே’ ஆயுத பூஜை ஸ்பெஷலாக வரும் அக்டோபர் 14 ஆம் தேதி அமேசான் ஒடிடி தளத்தில் நேரடியாக வெளியாகிறது.

 

‘பாசமலர்’, ‘கிழக்கு சீமையிலே’ ஆகிய படங்களின் வரிசையில் அண்ணன், தங்கை பாசத்திற்கு எடுத்துக்காட்டாக உருவாகியுள்ள இப்படத்தில் ஜோதிகா தங்கையாகவும், சசிகுமார் அண்ணனாகவும் நடித்திருக்கிறார்கள். ஜோதிகாவின் கணவராக சமுதிரகனி நடித்துள்ளார். சூரி முக்கிய வேடத்தில் நடிக்க, மேலும் பல முன்னணி நட்சத்திரங்கள் நடித்துள்ளனர்.

 

Udanpirappe

 

’கத்துக்குட்டி’ படம் மூலம் இயக்குநராக அறிமுகமான சரவணன் இயக்கியிருக்கும் இப்படத்திற்கு டி.இமான் இசையமைக்க, வேல்ராஜ் ஒளிப்பதிவு செய்துள்ளார்.

 

குடும்பங்கள் கொண்டாடும் திரைப்படமாக உருவாகியுள்ள ‘உடன்பிறப்பே’ ஆயுத பூஜை கொண்டாட்டமாக வரும் அக்டோபர் 14 ஆம் தேதி அமேசான் ஒடிடி தளத்தில் வெளியாகிறது.

Related News

7775

உதயநிதி படத்தில் நடிக்கும் வடிவேலு!
Tuesday November-30 2021

பல ஆண்டுகள் தடைகளுக்குப் பிறகு வடிவேலு மீண்டும் நடிக்க தொடங்கியுள்ளார்...

காலத்திற்கேற்ற அரசியலைப் பேசும் சாலச்சிறந்தப் படைப்பு - ‘மாநாடு’ படத்தை பாராட்டிய சீமான்
Tuesday November-30 2021

வெங்கட் பிரபு இயக்கத்தில், சிம்பு நடிப்பில் சுரேஷ் காமாட்சி தயாரிப்பில் கடந்த 25 ஆம் தேதி திரையரங்குகளில் வெளியான ‘மாநாடு’ திரைப்படம் மிகப்பெரிய வெற்றி பெற்றுள்ளது...

”படம் முடிந்த பிறகும் மனதுக்குள் ஓடுகிறது” - பிரபலங்களின் பாராட்டில் ‘பேச்சுலர்’
Tuesday November-30 2021

தரமான மற்றும் வியாபார ரீதியாக வெற்றி பெறும் படங்களை தயாரித்து வரும் அக்சஸ் பிலிம் பேக்டரி ஜி...