Latest News :

வீடு விற்கும் விஜய் சேதுபதி!
Friday October-01 2021

விளையாட்டு வீரர்களைப் போல் சினிமா நடிகர்களும், பல விளம்பர படங்களில் நடித்து, கோடி கோடியாய் சம்பாதிப்பதுண்டு. ஆனால், தமிழ் சினிமாவை பொருத்தவரை இத்தகைய விளம்பரங்களில் நடிப்பதை முன்னணி நடிகர்கள் பலர் தவிர்த்து வந்தாலும், நடிகர் விஜய் உள்ளிட்ட சிலர் அவ்வபோது நடிக்கவும் செய்தார்கள்.

 

தற்போது கமல்ஹாசன், சத்யராஜ் உள்ளிட்ட பல நடிகர்கள் விளம்பர படங்களில் நடிக்க தொடங்கினாலும், ரஜினி, அஜித், விஜயகாந்த் போன்ற நடிகர்கள், எப்போதும் விளம்பர படங்களில் நடிப்பதில்லை, என்ற கொள்கையோடு இருக்க, விஜய் சேதுபதி போன்ற நடிகர்கள் தொலைக்காட்சி நிகழ்ச்சியாக இருந்தாலும் சரி, விளம்பர படங்களாக இருந்தாலும் சரி, நல்ல சம்பளம் கொடுத்தால் நடிக்க ரெடியாக இருக்கிறார்கள்.

 

அந்த வகையில், அனில் சேமியா நிறுவன தயாரிப்புகளின் விளம்பர படத்தில் நடித்த நடிகர் விஜய் சேதுபதி, தற்போது அடுக்குமாடி குடியிருப்பு கட்டுமான நிறுவனத்தின் விளம்பர தூதராக ஒப்பந்தம் செய்யப்பட்டுள்ளார்.

 

சென்னையை சேர்ந்த பிரபல அடுக்குமாடி கட்டுமான நிறுவனமான காசாகிராண்ட் நிறுவனம், சென்னை சோழிங்கநல்லூர் அருகே சுமார் 1693 வீடுகள் கொண்ட அடுக்குமாடி குறியிருப்புகளை கட்டுகிறது. இந்த திட்டத்தின் விளம்பர தூதராக விஜய் சேதுபதி ஒப்பந்தம் செய்யப்பட்டுள்ளார்.

 

இதன் மூலம், காசாகிராண்ட் நிறுவனம் கட்டும் அடுக்குமாடி குடியிருப்புகளில் உள்ள வசதிகள் உள்ளிட்டவைகளை மக்களுக்கு சொல்லி, அந்த வீடுகளை விற்கும் பணியில் விஜய் சேதுபதி விரைவில் ஈடுபட உள்ளார்.

Related News

7778

உதயநிதி படத்தில் நடிக்கும் வடிவேலு!
Tuesday November-30 2021

பல ஆண்டுகள் தடைகளுக்குப் பிறகு வடிவேலு மீண்டும் நடிக்க தொடங்கியுள்ளார்...

காலத்திற்கேற்ற அரசியலைப் பேசும் சாலச்சிறந்தப் படைப்பு - ‘மாநாடு’ படத்தை பாராட்டிய சீமான்
Tuesday November-30 2021

வெங்கட் பிரபு இயக்கத்தில், சிம்பு நடிப்பில் சுரேஷ் காமாட்சி தயாரிப்பில் கடந்த 25 ஆம் தேதி திரையரங்குகளில் வெளியான ‘மாநாடு’ திரைப்படம் மிகப்பெரிய வெற்றி பெற்றுள்ளது...

”படம் முடிந்த பிறகும் மனதுக்குள் ஓடுகிறது” - பிரபலங்களின் பாராட்டில் ‘பேச்சுலர்’
Tuesday November-30 2021

தரமான மற்றும் வியாபார ரீதியாக வெற்றி பெறும் படங்களை தயாரித்து வரும் அக்சஸ் பிலிம் பேக்டரி ஜி...