தமிழக சட்டமன்ற தேர்தலில் பிரச்சார சூறாவளியாக சுழன்ற உதயநிதி ஸ்டாலின், சட்டமன்ற உறுப்பினராக வெற்றி பெற்று தனது திருவல்லிகேனி சேப்பாக்கம் தொகுதியில், பல்வேறு நலத்திட்டங்களை மேற்கொண்டு வருவதோடு, தொகுதி மக்களின் குறைகளை உடனுக்குடன் நிவர்த்தி செய்து, எங்கள் வீட்டுப் பிள்ளை என்று பெயர் எடுத்தார்.
தற்போது மீண்டும் சினிமா பக்கம் தனது கவனத்தை திருப்பியுள்ள உதயநிதி, மிகப்பெரிய வெற்றி பெற்ற ‘ஆர்டிக்கள் 15’ என்ற இந்தி படத்தின் தமிழ் ரீமேக்கில் நடித்து வருகிறார். அவருக்கு ஜோடியாக தான்யா ரவிச்சந்திரன் நடிக்கிறார். இப்படத்தின் படப்பிடிப்பு பொள்ளாச்சியில் நடைபெற்று வருகிறது.
இந்த நிலையில், இப்படத்தில் நடிக்கும் காமெடி நடிகர் மயில்சாமி இன்று தனது 56 வது பிறந்தநாளை கொண்டாடுகிறார். இதனை அறிந்த உதயநிதி, இயக்குநர் அருண்ராஜா காமராஜ், நடிகை தான்யா ரவிச்சந்திரன் உள்ளிட்ட படக்குழுவினர் இணைந்து படப்பிடிப்பு தளத்தில் கேக் வெட்டி நடிகர் மயில்சாமியின் பிறந்தநாளை கொண்டாடினர்.
மேலும், நடிகர் மயில்சாமியின் பிறந்தநாளை கொண்டாடும் வகையில், படப்பிடிப்பு தளத்தில் உள்ள அனைவருக்கு பிரியாணி வழங்கினார். அதேபோல், நடிகர் மயில்சாமி தனது பிறந்தநாளுக்காக 300 குழந்தைகளுக்கு ஐஸ்கிரீம் வழங்கினார்.
இன்னும் தலைப்பு வைக்கப்படாத இப்படத்தை ஜீ ஸ்டுடியோஸ் மற்றும் போனி கபூரின் பேய்வீவ் புரோஜக்ட் வழங்க, ரோமியோ பிக்சர்ஸ் வெளியிடுகிறது.
தமிழ் சினிமாவில் சிறுவர்களுக்கான படம் மற்றும் ஆன்மீகம் பேசும் திரைப்படங்கள் வெளியாவது அரிதாகிவிட்ட நிலையில், அப்படிப்பட்ட படங்கள் வெளியானாலும் அவை அனைத்து தரப்பினரையும் கவரக்கூடிய கமர்ஷியல் அம்சங்கள் இல்லாமல் வெளியாவதால் மக்களிடம் எந்தவித தாக்கத்தையும் ஏற்படுத்துவதில்லை...
இந்திய சினிமாவின் முன்னணி இயக்குநர்களில் ஒருவராக மட்டும் இன்றி பிரமாண்ட இயக்குநர் என்ற பெருமையோடு வலம் வரும் இயக்குநர் ஷங்கரின் மூத்த மகள் ஐஸ்வர்யாவுக்கும், அமெரிக்கவாழ் இந்தியரான தருண் கார்த்திகேயனுக்கும் ஏப்ரல் 15 ஆம் தேதி திருமணம் நடைபெற்றது...
இயக்குநர் கிரிஷ் ஏ.டி இயக்கத்தில், நஸ்லென் மற்றும் மமிதா பைஜூ முதன்மை கதாபாத்திரத்தில் நடித்து கடந்த பிப்ரவரி மாதம் திரையரங்குகளில் வெளியான ‘பிரேமலு’ திரைப்படம் ரசிகர்களிடம் மிகப்பெரிய வரவேற்பு பெற்றது...