Latest News :

விஷாலின் ‘வீரமே வாகை சூடும்’ ஜனவரி 26 ஆம் தேதி ரிலீஸ்
Tuesday November-23 2021

‘எனிமி’ படத்தை தொடர்ந்து விஷால் நடிப்பில் அடுத்து வெளியாக உள்ள திரைப்படம் ‘வீரமே வாகை சூடும்’. அறிமுக இயக்குநர் து.ப.சரவணன் இயக்கும் இப்படத்தை விஷாலின் விஷால் ஃபிலிம் பேக்டரி நிறுவனம் தயாரிக்கிறது.

 

இப்படத்தில் விஷாலுக்கு ஜோடியாக டிம்பிள் ஹயாதி நடிக்கிறார். இவர்களுடன் யோகிபாபு, மாரிமுத்து, துளசி, கவிதா பாரதி, ஆர்.என்.ஆர்.மனோகர், பாபுராஜ், பில்லி முரளி, ரவீனா, கே.எஸ்.ஜி.வெங்கடேஷ், மஹா காந்தி, மரியம் ஜார்ஜ். பிளாக் ஷீப் தீப்தி ஆகியோர் முக்கிய கதாப்பாத்திரங்களில் நடிக்கிறார்கள்.

 

அதிகார பலம் படைத்தவர்களை எதிர்கொள்ளும் சாமானியன் ஒருவனின் கதையில் விஷாலின் மாறுபட்ட நடிப்பில் உருவாகியுள்ளது இப்படம். அனைத்து ரசிகர்களும் ரசிக்கும் வகையிலான கமர்ஷியல் ஆக்சன் படமாக உருவாகியுள்ளது.

 

யுவன் சங்கர் ராஜா இசையமைக்கும் இப்படத்திற்கு கவின் ராஜ் ஒளிப்பதிவு செய்ய, என்.பி.ஸ்ரீகாந்த் படத்தொகுப்பு செய்கிறார். எஸ்.எஸ்.மூர்த்தி கலையை நிர்மாணிக்க, வாசுகி பாஸ்கர் உடை வடிவமைப்பை மேற்கொள்கிறார். அனல் அரசு, ரவி வர்மா, தினேஷ் ஆகியோர் சண்டைக்காட்சிகளை வடிவமைக்க, தபஸ் நாயக் ஒலி வடிவமைப்பை கவனிக்கிறார்.

 

சென்னை மற்றும் ஐதராபாத்தின் பல பகுதிகளில் படமாக்கப்பட்டுள்ள இப்படத்தின் வெளியீட்டில் படக்குழு தீவிரம் காட்டி வருகிறது. அதன்படி, 2022 ஆம் ஆண்டு ஜனவரி 26 ஆம் தேதி திரையரங்குகளில் படத்தை வெளியிட திட்டமிட்டுள்ள படக்குழு, அதுபற்றி இன்று அதிகாரப்பூர்வமாக அறிவித்துள்ளது.

Related News

7888

உலகளாவிய சமுதாய ஆஸ்கர் விருது! - சூர்யா, ஜோதிகா, உதயநிதி தேர்வு
Thursday January-20 2022

2டி எண்டர்டெயின்மெண்ட் நிறுவனம் மூலம் சூர்யா, ஜோதிகா தயாரித்த ‘ஜெய் பீம்’ திரைப்படத்திற்கு பல்வேறு விருதுகள் கிடைத்து வரும் நிலையில், உலகளாவிய சமுதாய ஆஸ்கர் விருதுக்கும் ‘ஜெய் பீம்’ திரைப்படம் தேர்வாகியுள்ளது...

சூர்யாவின் 'ஜெய் பீம்' படத்திற்குக் கிடைத்த மற்றொரு அங்கீகாரம்
Wednesday January-19 2022

சூர்யா நடிப்பில் கடந்த 2021 ஆம் ஆண்டு ஒடிடி-யில் வெளியாகி மிகப்பெரிய வரவேற்பையும், தாக்கத்தையும் ஏற்படுத்திய படம் ‘ஜெய் பீம்’...

இந்திய நிலப்பரப்பின் கடைசி சாலையில் நடைபெறும் திகில் படம் ‘அரிச்சல் முனை’ பூஜையுடன் துவங்கியது
Tuesday January-18 2022

தமிழ் சினிமாவில் வித்தியாச முயற்சியோடு உருவாகும் படங்களுக்கு என்றுமே வரவேற்பு கிடைத்து வருகிறது...