விக்ரமின் ‘மகான்’ ரிலீஸ் தேதி அறிவிப்பு
Tuesday January-25 2022

கார்த்திக் சுப்புராஜ் இயக்கத்தில் விக்ரமும், அவருடைய மகன் துருவ் விக்ரமும் இணைந்து நடித்துள்ள படம் ‘மகான்’. பாபி சிம்ஹா, சிம்ரன் உள்ளிட்ட பல முன்னணி நட்சத்திரங்கள் நடித்துள்ள இப்படத்தை செவன் ஸ்க்ரீன் ஸ்டுடியோ நிறுவனம் சார்பில் லலித்குமார் தயாரித்துள்ளார்.

இப்படத்தின் வீடியோ பாடல் மற்றும் டீசர் வெளியாகி பெரும் வரவேற்பு பெற்ற நிலையில், தற்போது படத்தின் வெளியீட்டு தேதியை படக்குழு அறிவித்துள்ளது. வரும் பிப்ரவரி மாதம் 10 ஆம் தேதி அமேசான் ப்ரைம் ஒடிடி தளத்தில் ‘மகான்’ வெளியாகிறது.

அதன்படி, தமிழ், மலையாளம், கன்னடம் மற்ற்றும் தெலுங்கு ஆகிய நான்கு மொழிகளில் ‘மகான்’ திரைப்படத்தை அமேசான் ப்ரைம் ஒடிடி தளத்தில் வரும் பிப்ரவரி 10 ஆம் தேதி முதல் காணலாம்.