வைரலாகும் பிரபுதேவாவின் ‘ரேக்ளா’ பட தலைப்பு!
Friday January-28 2022

‘வால்டர்’ படத்தை இயக்கிய அன்பு இயக்கத்தில் பிரபுதேவா நடிக்கும் படத்திற்கு ‘ரேக்ளா’ என்று தலைப்பு வைக்கப்பட்டுள்ளது. ஒலிம்பியா மூவிஸ் நிறுவனம் சார்பில் அம்பேத்குமார் தயாரிக்கும் இப்படத்தின் டைடில் லுக்கை நடிகர் ஆர்யா தனது சமூக வலைதளப் பக்கத்தில் வெளியிட்டுள்ளார்.

வெளியான சில மணி நேரங்களில்  இணையவாசிகளிடம் ‘ரேக்ளா’ பட தலைப்பு வீடியோ வைரலானதோடு ரசிகர்களிடம் பெரும் எதிர்ப்பார்ப்பையும் ஏற்படுத்தியுள்ளது.

பிரபுதேவாவின் 85 வது திரைப்படமாக உருவாகும் ‘ரேக்ளா’ படத்திற்கு ஜிப்ரான் இசையமைக்கிறார்.  இப்படத்தில் நடிக்கும் நடிகர், நடிகைகள் மற்றும் தொழில்நுட்ப கலைஞர்களின் விவரங்களை படக்குழு விரைவில் அறிவிக்க உள்ளது.