எளிய மனிதர்களின் வலியை பேசும் ‘ஆதார்’ படத்தின் புதிய அப்டேட்
Thursday February-17 2022

வெண்ணிலா கிரியேஷன்ஸ் நிறுவனம் சார்பில் பி.சசிகுமார் தயாரிப்பில், கருணாஸ் நடிப்பில் உருவாகும் படம் ‘ஆதார்’. ‘அம்பாசமுத்திரம் அம்பானி’, ‘திருநாள்’ ஆகிய படங்களை இயக்கிய ராம்நாத் பழனிகுமார் இயக்கும் இப்படம் எளிய மனிதர்களின் வலியைப் பேசும் யதார்த்தப் படைப்பாக உருவாகி வருகிறது.

கதையின் நாயகனாக கருணாஸ் நடிக்கும் இப்படத்தில் அருண்பாண்டியன், 'காலா' புகழ் திலீபன், 'பாகுபலி' புகழ் பிரபாகர் ஆகியோர் கதையின் நாயகர்களாக நடிக்க, இவர்களுடன் நடிகைகள் ரித்விகா, இனியா, உமா ரியாஸ்கான் ஆகியோர் முக்கிய கதாப்பாத்திரங்களில் நடிக்கிறார்கள்.

இப்படத்தின் முதல் பார்வை பொங்கல் தினத்தன்று வெளியாகி ரசிகர்களிடம் வரவேற்பு பெற்ற நிலையில், தற்போது இப்படத்தின் பணிகள் நிறைவடைந்து இறுதிகட்டத்தை எட்டியுள்ளது. மேலும், படத்தை வெளியிடுவதற்காக பேச்சுவார்த்தையையும் படக்குழு தொடங்கியிருக்கிறது. 

விரைவில் படத்தின் டீசர், முதல் பாடல், டிரைலர் ஆகியவற்றை அடுத்தடுத்து வெளியிட முடிவு செய்துள்ள படக்குழு படத்தின் வெளியீட்டு தேதியையும் விரைவில் அறிவிக்க உள்ளது.