பிரபல சினிமா பாடலாசிரியர் லலிதானந்த் மரணம்!
Sunday February-20 2022

பிரபல திரைப்பட பாடலாசிரியர் லலிதானந்த், உடல்நிலை குறைவால் இன்று உயிரிழந்தார். 

’அதே நேரம் அதே இடம்’ என்ற படத்தின் மூலம் தமிழ் சினிமாவில் பாடலாசிரியராக அறிமுகமான லலிதானந்த், கோகுல் இயக்கத்தில் விஜய் சேதுபதி நடிப்பில் வெளியான ‘இதற்கு தானே ஆசைப்பட்டாய் பாலகுமாரா’ திரைப்படத்தில் இடம்பெற்ற “என் வீட்டுல நான் இருந்தேனே, எதிர் வீட்டுல அவ இருந்தாளே...” என்ற பாடல் மூலம் பிரபலமானார்.

தொடர்ந்து ‘ரெளத்திரம்’, ‘மாநகரம்’, ‘காஸ்மோரா’, ‘ஜூங்கா’, ‘திருமணம்’ உள்ளிட்ட பல படங்களில் பாடல்கள் எழுதியுள்ள லலிதானந்த், ‘ஒரு எலுமிச்சையின் வரலாறு’ மற்றும் ‘லெமூரியாவில் இருந்த காதலி வீடு’ ஆகிய கவிதை தொகுப்புகளையும் வெளியிட்டுள்ளார்.

இந்த நிலையில், உடல்நிலை குறைவால் பாதிக்கப்பட்டு சிகிச்சை பெற்று வந்த பாடலாசிரியர் லலிதானந்த், இன்று சிகிச்சை பலன் இன்றி உயிரிழந்தார். அவரது மறைவுக்கு திரையுல பிரபலங்கள் இரங்கல் தெரிவித்து வருகிறார்கள்.