கிச்சா சுதீப்பின் ‘விக்ராந்த் ரோணா’ ரிலீஸ் தேதி அறிவிப்பு
Monday April-04 2022

கிச்சா சுதீப்பின் நடிப்பில் ஃபேண்டஸி மற்றும் சாகச திரைப்படமாக உருவாகும் ‘விக்ராந்த் ரோனா’ பிரம்மாண்டமான  பன்மொழி திரைப்படமாக உருவாகி வருகிறது. 3டி தொழில்நுட்பத்தில் உருவாகும் இப்படத்தின் டீசரை சூப்பர்ஸ்டார்களான சல்மான் கான், சிரஞ்சீவி, மோகன்லால், சிம்பு மற்றும் வீரேந்திர சேவாக் ஆகியோர் வெளியிட்டனர்.

ஜீ ஸ்டுடியோஸ் வழங்க ஷாலினி ஆர்ட்ஸ் சார்பில் ஜாக் மஞ்சுநாத் தயாரிக்கும் இப்படத்திற்கு இன்வெனியோ ஆரிஜின்ஸ் (Invenio Origins) சார்பில் அலங்கார பாண்டியன் இணை தயாரிப்பை கவனிக்கிறார். 

அனுப் பண்டாரி இயக்கும் இப்படம் கன்னடம், தமிழ், தெலுங்கு, மலையாளம், இந்தி  மற்றும் ஆங்கிலம் உள்ளிட்ட ஆறு மொழிகளில் வெளியாகிறது.

இந்த நிலையில், ‘விக்ராந்த் ரோனா’ வரும் ஜூலை 28 ஆம் தேதி உலகம் முழுவதும் திரையரங்குகளில் வெளியாகும் என்று படக்குழு அதிகாரப்பூர்வமாக அறிவித்துள்ளது.