’ரத்தம்’ படப்பிடிப்பு முடிவடைந்தது - கேக் வெட்டி கொண்டாடிய படக்குழு
Friday April-08 2022

இன்பினிட்டி பிலிம் வெஞ்சர்ஸ் சார்பில் கமல் போரா, லலிதா தனஞ்செயன், பி.பிரதீப், பங்கர் போரா ஆகியோர் தயாரிப்பில் விஜய் ஆண்டனில் தொடர்ந்து பல படங்களில் நடித்து வருகிறார். அதில்  ஒன்று ‘ரத்தம்’. ‘தமிழ்ப் படம்’ புகழ் சி.எஸ்.அமுதன் இயக்கும் இப்படத்தின் இந்திய படப்பிடிப்பு முடிவடைந்துள்ளது. இதனை படக்குழுவினர் கேக் வெட்டி கொண்டாடியுள்ளனர். இதை தொடர்ந்து இப்படத்தின் வெளிநாட்டு படப்பிடிப்புக்கு படக்குழு தயாராகி வருகிறது. 

மாஸ் கமர்ஷியல் படமாக உருவாகும் இப்படத்தில் மஹிமா நம்பியார், நந்திதா ஸ்வேதா, ரம்யா நம்பீசன் என மூன்று நாயகிகள் விஜய் ஆண்டனிக்கு ஜோடியாக நடிக்கிறார்கள். இவர்களுடன் நிழல்கள் ரவி, ஜான் மகேந்திரன், கலை ராணி, மகேஷ் ,  ஓ.ஏ.கே.சுந்தர், மீஷா கோஷல் மற்றும் அமேயா ஆகியோருடன், ஸ்டாண்ட்-அப் காமெடியன் ஜெகன் முக்கிய கதாபாத்திரத்தில் நடிக்கிறார்.

கண்ணன் இசையமைக்கும் இப்படத்திற்கு கோபி அமர்நாத் ஒளிப்பதிவு செய்கிறார். சுரேஷ் படத்தொகுப்பு செய்ய, திலீப் சுப்பராயன் சண்டைக்காட்சிகளை வடிவமைக்கிறார். தெருக்குரல் அறிவு ஒரு தீம் பாடலை எழுதி பாடியிருக்கிறார்.