த்ரில்லர் படத்தில் இணையும் லிஜோமோல் ஜோஸ், லாஸ்லியா, ஹரிகிருஷ்ணன்
Friday April-08 2022

’மெட்ராஸ்’, ’ரைட்டர்’ படங்கள் மூலம் பாராட்டு பெற்ற ஹரிகிருஷ்ணன், ‘ஜெய் பீம்’ படம் மூலம் பாராட்டு பெற்ற லிஜோமோல் ஜோஸ், பிக் பாஸ் மூலம் பிரபலமடைந்த லாஸ்லியா ஆகியோர் இணைந்து நடிக்கும் படத்திற்கு ‘அண்ணபூரணி’ என்று தலைப்பு வைக்கப்பட்டுள்ளது. இவர்களுடன் தரணி ரெட்டி, ராஜீவ் காந்தி, வைரபாலன் ஆகியோர் இப்படத்தில் முக்கிய கதாப்பாத்திரத்தில் நடிக்கிறார்கள்.

கே.எச்.பிக்சர்ஸ் சார்பில் ஹரி பாஸ்கர் மற்றும் ODO பிக்சர்ஸ் சார்பாக நேதாஜி இணைந்து தயாரிக்கும் இப்படத்தை லயோனல் ஜோசுவா இயக்குகிறார். திரில்லர் டிராமாவாக உருவாகும் இப்படத்தின் படப்பிடிப்பு சென்னையில் பூஜையுடன் தொடங்கியது.

கோவிந்த் வசந்தா இசையமைக்கும் இப்படத்தின் பாடல்களை யுகபாரதி எழுதுகிறார். ஹெக்டர் ஒளிப்பதிவு செய்ய, கலைவாணன் படத்தொகுப்பு செய்கிறார். அமரன் கலையை நிர்மாணிக்கிறார்.