ஆண்ட்ரூ பாண்டியன் இயக்கத்தில் ஜெய் நடிக்கும் படம் ‘பிரேக்கிங் நியூஸ்’. கே.திருக்கடல், கே.உதயம் ஆகியொர் தயாரிக்கும் இப்படத்தின் முக்கியமான சண்டைக்காட்சிக்காக ரூ.1 கோடி செலவில் கார்கோ விமான செட் ஒன்று வடிவமைக்கப்பட்டுள்ளது.
இது குறித்து இயக்குநர் ஆண்ட்ரூ பாண்டியன் கூறுகையில், “சரக்கு விமானத்தில் காட்சி நடைபெறுவதாக திட்டமிட்டிருந்ததால், சண்டைக்காட்சிகள் எடுக்க மிக சவாலாக இருந்தது. ஜெய் மிக அர்ப்பணிப்புடன் அவருடைய ஆக்சன் காட்சிகளை, டூப் பயன்படுத்தாமல் தானே ஆக்ஷன் காட்சிகளில் நடித்தார். படப்பிடிப்பு முழுவதும் ஜெய் மிகவும் உற்சாகத்துடனும், சுறுசுறுப்பாகவும் இருந்து ஒத்துழைத்ததால், காட்சிகளை மிக விரைவாக, எளிதாக படமாக்க முடிந்தது.” என்றார்.
இதில் ஜெய்க்கு ஜோடியாக பானு ரெட்டி நடிக்க, இவர்களுடன் பிக் பாஸ் சினேகன், ராகுல் தேவ், தேவ் கில், ஜெயபிரகாஷ், சந்தான பாரதி, பழ.கருப்பையா, மோகன்ராம், தேனப்பன், பேபி மானஸ்வி மற்றும் பலர் இணைந்து நடிக்கிறார்கள்.
ஜானி லால் மற்றும் செவிலோ ராஜா ஒளிப்பதிவு செய்யும் இப்படத்திற்கு விஷால் பீட்டர் இசையமைக்க, ஆண்டனி படத்தொகுப்பு செய்கிறார். என்.எம்.மகேஷ் கலையை நிர்மாணிக்க, ஸ்டன்னர் சாம் சண்டைக்காட்சிகளை வடிவமிக்கிறார். ராதிகா நடனம் அமைக்க, வி.எஃப்.எக்ஸ் மேற்பார்வையாளராக பிரபாகர் பணியாற்றுகிறார்.
திரை இசை பாடல்களைப் போல் தற்போது சுயாதீன பாடல்களும் ரசிகர்களிடம் நல்ல வரவேற்பை பெற்று வருவதால் முன்னணி இசையமைப்பாளர்கள் கூட தற்போது இதில் ஈடுபாடு காட்ட தொடங்கிவிட்டார்கள்...
நடிகர் ஜெயம் ரவியின் ரசிகர்கள், ஜெயம் ரவி ரசிகர் மன்றம் சார்பில் பல்வேறு நலத்திட்ட உதவிகளை செய்து வருகிறார்கள்...
யூடியுப் திரைப்பட விமர்சகர் புளூ சட்டை மாறன் இயக்கத்தில் வெளியான ’ஆன்டி இண்டியன்’ படத்தை தயாரித்த ஆதம் பாவா, தனது மூன் பிக்சர்ஸ் நிறுவனம் மூலம் தயாரித்து இயக்கியிருக்கும் படம் ‘உயிர் தமிழுக்கு’...