சந்தானத்தின் ‘குலு குலு’ ஜூன் மாதம் ரிலீஸ்
Wednesday May-11 2022

ரத்னகுமார் இயக்கத்தில் சந்தானம் ஹீரோவாக நடித்திருக்கும் ‘குலு குலு’ படத்தின் பர்ஸ்ட் லுக் வெளியாகி வைரலாகி வருகிறது. 

‘மேயாதமான்’, ‘ஆடை’ ஆகிய படங்களை இயக்கிய ரத்னகுமார் இயக்கியிருக்கும் படம் ‘குலு குலு’. சந்தானம் ஹீரோவாக நடித்திருக்கும் இதில் அதுல்யா சந்திரா, நமீதா கிருஷ்ணமூர்த்தி ஆகியோர் நாயகிகளாக நடித்திருக்கிறார்கள். இவர்களுடன் பிரதீப் ராவத், மரியம் ஜார்ஜ், சாய் தீனா, ' லொள்ளு சபா' மாறன், 'லொள்ளு சபா'  சேசு, டி எஸ் ஆர், பிபின், கவி, ஹரிஷ், யுவராஜ், மாரிதாஸ் உள்ளிட்ட பலர் நடித்திருக்கிறார்கள். 

விஜய் கார்த்திக் கண்ணன் ஒளிப்பதிவு செய்திருக்கும் இந்தப் படத்திற்கு சந்தோஷ் நாராயணன் இசையமைத்திருக்கிறார்.   படத்தொகுப்பை பிலோமின் ராஜ் கவனித்திருக்கிறார். இந்த திரைப்படத்தை சர்க்கிள் பாக்ஸ் என்டர்டெய்ன்மென்ட் என்ற பட நிறுவனத்தின் சார்பில் தயாரிப்பாளர் எஸ். ராஜ் நாராயணன் பிரம்மாண்டமான பொருட்செலவில் தயாரித்திருக்கிறார். 

‘குலு குலு’ படத்தின் படபிடிப்பு அண்மையில் நிறைவடைந்தது. தற்போது இறுதிக்கட்டப் பணிகள் விறுவிறுப்பாக நடைபெற்று வருகிறது. இப்படத்தின் ஆடியோ உரிமையை முன்னணி நிறுவனமான சோனி மியூஸிக் கைப்பற்றியிருக்கிறது. 

இப்படத்தின் மோஷன் போஸ்டர் இணையத்தில் வெளியாகி மில்லியன் கணக்கிலான பார்வையாளர்களால் பார்வையிடப்பட்டு சாதனை படைத்த நிலையில், இப்படத்தின் பர்ஸ்ட் லுக் வெளியாகியிருக்கிறது.  பர்ஸ்ட் லுக்கில் நடிகர் சந்தானத்தின் தோற்றம் ரசிகர்களை கவர்ந்திருப்பதால் இதற்கு இணையத்தில் பெரும் வரவேற்பு கிடைத்து வருகிறது.

மேலும், ‘குலு குலு’ படத்தை ஜூன் மாதம் வெளியிட முடிவு செய்துள்ள படக்குழு விரைவில் வெளியீட்டு தேதியை அறிவிக்க உள்ளது.