Latest News :

‘ஜுராசிக் வேர்ல்ட் டாமினியன்’ படத்தின் முன்பதிவு இந்தியாவில் தொடங்கியது
Saturday May-14 2022

உலக அளவில் மாபெரும் வெற்றி பெற்ற ஹாலிவுட் படங்களின் மிக முக்கியமான படம் ‘ஜுராசிக் பார்க்’. இப்படத்தை தொடர்ந்து அதன் அடுத்தடுத்த பாகங்கள் வெளியாகி ரசிகர்களிடம் நல்ல வரவேற்பை பெற்று வந்த நிலையில், அதன் இறுதிப் பாகமான ‘ஜுராசிக் வேர்ல்ட் டாமினியன்’ திரைப்படம் இந்தியாவில் வரும் ஜூன் 10 ஆம் தேதி வெளியாக உள்ளது. 

 

அனைத்து நாடுகளிலும் ரசிகர்களிடம்  பெரிய அதிர்வலையை ஏற்படுத்தியுள்ள இப்படம் ’ஜுராசிக் பார்க்’ படத்தின் இறுதி பாகம் என்பதால் ரசிகர்கள் மத்தியில் உற்சாகம் மற்றும் எதிர்பார்ப்பு இதுவரை இல்லாத அளவு வானளாவ உயர்ந்துள்ளது. கிறிஸ் பிராட் நடித்த இந்த திரைப்படம் திரையரங்குகளில் வெளிவர உள்ள நிலையில் ரசிகர்கள் அனைவரும் படம் வெளியாகும் நாளுக்காக, நாட்களை எண்ணிக்கொண்டிக்கின்றனர் . படம் வெளியாவதற்கு ஒரு மாதத்திற்கு முன்பே இந்தியாவின் குறிப்பிட்ட நகரங்களில் டிக்கெட் முன்பதிவுகள்  துவங்கப்பட்டிருக்கிறது.

 

ஜுராசிக் பார்க் படத்தொடரின் இறுதிப்பதிப்பாக உருவாகியுள்ள இப்படத்திற்கு   60 நகரங்கள் மற்றும் 228 திரைகளில் இப்போது முன்பதிவுகள் துவங்கப்பட்டிருக்கிறது,  ஒரு மாதத்திற்கு முன்னரே ஆரம்பித்துள்ள இந்த சாதனை இப்படம்  அரங்கம் நிறைந்த திரைப்படமாக இருக்கும் என்பதை உறுதி செய்துள்ளது. மும்பை, புனே, கோவா, அகமதாபாத், டெல்லி, சூரத், இந்தூர், ஹைதராபாத், பெங்களூர், சென்னை உட்பட  பல நகரங்கள் இந்த முன்பதிவு பட்டியலில் உள்ளன.

 

மிக சமீபத்தில் சில வாரங்களுக்கு முன்னதாக படக்குழுவினர் இப்படத்தின் டிரெய்லரை வெளியிட்டனர்.  ஜுராசிக் பார்க் திரைப்படங்களில் வந்த மூன்று முக்கியமான கதாபாத்திரங்கள் மீண்டும் இந்த திரைப்படத்தில் வருவது, ரசிகர்களுக்கு பெரும் ஆச்சரியத்தை தந்துள்ளது. நடிகர் Sam Neill இப்படத்தில் Dr. Alan Grant பாத்திரத்திலும்  Dr. Ellie Sattler  பாத்திரத்தில் நடிகை Laura Dern வும், Dr. Ian Malcom பாத்திரத்தில் நடிகர் Jeff Goldblum மும் நடித்துள்ளனர். டைனோசர்களும் மனிதர்களும் இணைந்து வாழ முடியுமா? என்று அதிகம் பேசப்படும் வாதத்தை, இப்படம் இன்னும் பிரம்மாண்டமாக காட்டவிருக்கிறது.  இப்படத்தின் டிரெய்லர் பார்வையாளர்களை இருக்கைகளின் நுனியில் வைத்திருக்கும்படி உருவாக்கபட்டிருந்தது, அதுமட்டுமில்லாமல் திரை வரலாற்றில் மிகவும் கொண்டாடப்பட்ட ஒரு திரைப்பட தொடருக்கு, ஒரு அற்புதமான பெரிய பிரியாவிடையை  பார்வையாளர்கள் எதிர்பார்த்து காத்திருக்கின்றனர்.

 

2015 இல் வெளியான ஜுராசிக் வேர்ல்ட் திரைப்படம் மூலம் 1.7 பில்லியன் டாலர் உலக வசூல் சாதனையை நிகழ்த்திய Colin  Trevorrow,  ஜுராசிக் வேர்ல்ட் டாமினியன் திரைப்படத்தை இயக்கியுள்ளார். Michael Crichton உருவாக்கிய கதாபாத்திரங்களை அடிப்படையாக வைத்து Derek Connolly (Jurassic World) & Trevorrow உருவாக்கிய கதைக்கு , Emily Carmichael & Colin Trevorrow திரைக்கதை எழுதியுள்ளனர் ஜுராசிக் வேர்ல்ட் டாமினியன் ஆங்கிலம், இந்தி, தமிழ் மற்றும் தெலுங்கு மொழிகளில் ஜூன் 10ஆம் தேதி திரையரங்குகளில் வெளியாகிறது 

 

இத்திரைப்படம் திரையரங்குகளில் ஜூன் 10 ஆம் தேதி, ஆங்கிலம், ஹிந்தி, தமிழ் மற்றும் தெலுங்கு ஆகிய மொழிகளில்  3D, IMAX 3D, 4DX & 2D-ல் வெளியாகிறது.

Related News

8248

இசையமைப்பாளர் அவதாரம் எடுத்த இயக்குநர் மிஷ்கின்
Tuesday June-28 2022

இசையமைப்பாளர்கள் நடிகர் மற்றும் இயக்குநர் ஆவதும், இயக்குநர்கள் இசையமைப்பாளர்கள் ஆவதும் தமிழ் சினிமாவில் அவ்வபோது நடக்கும் சம்பவங்கள் தான்...

காதலுக்கான மொழி தமிழ் தான்! - தமிழச்சி தங்கபாண்டியன் பேச்சு
Tuesday June-28 2022

அமெரிக்க வாழ் தமிழ் எழுத்தாளரான தமிழ்க்காரி என்கிற சித்ரா மகேஷ் அவர்களின் ‘காதல் கதை சொல்லட்டுமா’ மற்றும் ‘பூக்கள் பூக்கும் தருணம்’ ஆகிய இரண்டு நூல்கள் வெளியீட்டு விழா சென்னையில் நடைபெற்றது...

பாலபிஷேகம், அன்னதானம்! - ‘மாயோன்’ படத்தால் பரவசமடைந்த மக்கள்
Monday June-27 2022

திரையரங்குகளில் வெற்றிகரமாக ஓடிக்கொண்டிருக்கும் 'மாயோன்' திரைப்படத்தைப் பற்றி திரையுலக ஆர்வலர்கள், ரசிகர்கள் என பலரும் நேர்மறையான விமர்சனங்களைத் தெரிவித்ததால், பொது விடுமுறை தினமான ஞாயிறன்று சென்னையிலுள்ள ரோஹிணி திரையரங்கத்திற்கு இப்படத்தைக் காண அதிகளவிலான ரசிகர்கள் சென்றனர்...