கார்த்தியின் ‘விருமன்’ வெளியீட்டு தேதி அறிவிப்பு
Thursday May-19 2022

முத்தையா இயக்கத்தில் கார்த்தி நடிக்கும் ‘விருமன்’ படத்தை சூர்யாவின் 2டி எண்டர்டெயின்மெண்ட் நிருவனம் தயாரிக்கிறது. இதில் இயக்குநர் ஷங்கரின் மகள் அதிதி ஷங்கர் கதாநாயகியாக நடிக்க, ராஜ்கிரண் மிக முக்கிய வேடத்தில் நடித்திருக்கிறார்.

யுவன் சங்கர் ராஜா இசையமைக்கும் இப்படத்திற்கு செல்வகுமார் எஸ்.கே ஒளிப்பதிவு செய்கிறார். இப்படத்தின் படப்பிடிப்பு முழுவதும் கடந்த சில நாட்களுக்கு முன்பு முடிவடைந்த நிலையில், படத்தின் பின்னணி வேலைகள் நடைபெற்று வருகிறது.

இந்த நிலையில், இப்படத்தின் வெளியீட்டு தேதி நேற்று அதிகாரப்பூர்வமாக அறிவிக்கப்பட்டுள்ளது. அதன்படி, விநாயகர் சதுர்த்தியை முன்னிட்டு வரும் ஆகஸ்ட் 31 ஆம் தேதி ‘விருமன்’ வெளியாகும் என்று 2டி எண்டர்டெயின்மெண்ட் நிறுவனம் அறிவித்துள்ளது.

‘கொம்பன்’ மூலம் இயக்குநர் முத்தையா - கார்த்தி கூட்டணி மிகப்பெரிய வெற்றியை கொடுத்ததால், இவர்கள் மீண்டும் இணைந்திருக்கும் ‘விருமன்’ படத்தின் மீதும் மிகப்பெரிய எதிர்ப்பார்ப்பு ஏற்பட்டுள்ளது.