லோகேஷ் கனகராஜ் இயக்கத்தில் கார்த்தி நடிப்பில் 2019 ஆம் ஆண்டு வெளியாகி மிகப்பெரிய வசூல் சாதனை படைத்த படம் ‘கைதி’. ட்ரீம் வாரியர் நிறுவனம் தயாரித்த இப்படம் தமிழ், தெலுங்கு, மலையாலம் மற்றும் கன்னடம் என்று தென்னிந்திய மொழிகள் அனைத்திலும் மிகப்பெரிய வெற்றி பெற்றதோடு ரூ.100 கோடி வசூல் செய்து சாதனை நிகழ்த்தியது.
ஹீரோயின், பாடல்கள், நகைச்சுவை காட்சிகள் என கமர்ஷியல் அம்சங்கள் எதுவும் இல்லை என்றாலும் வித்தியாசமான மேக்கிங் மற்றும் அதிரடியான ஆக்ஷன் காட்சிகள் மூலம் ரசிகர்களை கவர்ந்த இப்படம் தமிழ் சினிமா எதிர்ப்பார்க்காத ஒரு பிரம்மாண்ட வெற்றியை கொடுத்தது.
தற்போது ‘கைதி’ படம் இந்தியில் ‘போலா’ என்ற தலைப்பில் ரீமேக் செய்யப்பட்டு வருகிறது. இதனை ட்ரீம் வாரியர் நிறுவனம், ரிலையன்ஸ் நிறுவனம், டி-சீரிஸ் நிறுவனம் மற்றும் அஜய் தேவ்கன் ஃபிலிம்ஸ் இணைந்து தயாரித்து வருகிறது.
இந்த நிலையில், ரஷ்ய மொழியில் பிரம்மாண்டமாக ‘கைதி’ வெளியாக உள்ளது. ‘உஸ்னிக்’ என்ற பெயரில் சுமார் 121 நகரங்களில் 297 திரையரங்குகளில் வெளியாகிறது. தமிழ்த் திரைப்படம் ஒன்று ரஷ்யாவில் பிரம்மாண்டமான முறையில் வெளியாவது இதுவே முதல் முறை.
‘உஸ்னிக்’ படத்தை ரஷ்யாவில் வெளியிடும் 4 சீசன்ஸ் கிரியேஷன்ஸ் நிறுவனம், படத்தை விளம்பரப்படுத்த பல்வேறு வித்தியாசமான பணிகளையும் மேற்கொண்டு வருவது குறிப்பிடத்தக்கது.
கடும் கோடை வெயிலில் இதம் தரும் தென்றலை போல காதல், நெகிழ்ச்சி மற்றும் மனதை வருடும் உணர்வுகளோடு ‘பிரேக்பாஸ்ட் (Accept the Reality)’ திரைப்படத்தின் டீசர் வெளியாகியுள்ளது...
தமிழகத்தில் சட்டப்பேரவை பொது தேர்தல் காரணமாக அனைத்து மாநில அரசியல் கட்சிகளும், தேசிய அரசியல் கட்சிகளும் வாக்காளர்களை சந்தித்து ஆட்சி அதிகாரத்தை கைப்பற்றுவதற்கான பிரச்சாரத்தில் தீவிரமாக ஈடுபட்டு இருக்கிறார்கள்...
‘வேர்ச்சொல் இலக்கிய விருது’ என்பது நீலம் பண்பாட்டு மையத்தின் முன்னெடுப்பில் கடந்த நான்கு வருடங்களாகக் கொடுக்கப்படும் விருதாகும்...