சுந்தர்.சி, ஜெய் நடிப்பில் உருவாகியுள்ள ‘படடாம்பூச்சி’ ஜூன் 24 ஆம் தேதி ரிலீஸ்
Friday June-17 2022

அவனி டெலி மீடியா சார்பில் நடிகை குஷ்பு சுந்தர் தயாரிக்க, சுந்தர்.சி கதாநாயகனாகவும், ஜெய் வில்லனாகவும் நடித்திருக்கும் படம் ‘பட்டாம்பூச்சி’. இதில் ஹனி ரோஸ், இமான் அண்ணாச்சி, பேபி மானஸ்வி உள்ளிட்ட பலர் நடித்துள்ளனர்.

1982 களில் நடக்கும் சைக்கோ த்ரில்லர் கதையம்சம் கொண்ட இப்படத்தை பத்ரி எழுதி இயக்கியிருக்கிறார். கிருஷ்ணசுவாமி ஒளிப்பதிவு செய்ய, நவநீத் சுந்தர் இசையமைத்திருக்கிறார். பென்னி ஆலிவர் படத்தொகுப்பு செய்ய ராஜசேகர் சண்டைக்காட்சிகளை வடிவமைத்திருக்கிறார்.  நரு.நாராயணன், மகா கீர்த்தி ஆகியோர் திரைக்கதை எழுதியுள்ளனர்.

கொடூரமான சைக்கோ கொலைகாரன் கதாபாத்திரத்தில் ஜெய்யும் அவரை சட்டத்தின் முன் நிறுத்தி தண்டனை வாங்கி கொடுக்க துடிக்கும் காவல் அதிகாரி கதாபாத்திரத்தில் சுந்தர் சி யும் நடித்துள்ளனர்.

இப்படத்திரைப்படத்தின் டிரைலர் கடந்த சில வாரங்களுக்கு முன்பு வெளியாகி பெரும் வரவேற்பு பெற்ற நிலையில், இப்படம் வரும் ஜூன் 24 ஆம் தேதி திரையரங்குகளில் வெளியாகிறது.