Latest News :

’அந்த நாள்’ படத்திற்காக சிறந்த நடிகருக்கான சர்வதேச விருது பெற்ற நடிகர் ஆர்யன் ஷியாம்!
Monday August-08 2022

ஆர்யன் ஷியாம் நடிப்பில், வி.வி.கதிரேசன் இயக்கியத்தில் உருவாகியுள்ள ‘அந்த நாள்’ திரைப்படத்தை க்ரீன் மேஜிக் எண்டர்டெயின்மெண்ட் சார்பில் ஆர்.ரகுநந்தன் தயாரித்திருக்கிறார். 

 

நரபலி மற்றும் Black Magic-க்கை கருவாக கொண்ட இப்படத்திற்கு சிபிஎஃப்சியால் தணிக்கை சான்றிதழ் மறுக்கப்பட்டது. பின்னர் படக்குழுவினர் ரிவைசிங் கமிட்டியை அனுகி படத்தை வெளியிட தணிக்கை சான்றிதழ் பெற்றனர். இந்த தகவல் மூலம் இப்படம் கோலிவுட்டில் மிகப்பெரிய எதிர்ப்பார்ப்பை ஏற்படுத்திய நிலையில், தற்போது பல்வேறு சர்வதேச திரைப்பட விழாக்களில் இப்படத்திற்கு பல விருதுகள் கிடைத்திருக்கிறது.

 

’அந்த நாள்’ படத்தில் Time Wrap, Black Magic மற்றும் நரபலியை கருவாக கொண்டு அமைக்கப்பட்ட திரைக்கதை மற்றும் அதை கையாண்ட விதத்தை பல சர்வதேச திரைப்பட விழாக்களில் பாராட்டியுள்ளனர். 

 

இப்படத்தின் இயக்குநர் வி.வி.கதிரேசன் EUROPE FILM FESTIVAL விழாவில் சிறந்த இயக்குநருக்கான விருதையும், அறிமுக நடிகர் ஆர்யன் ஷியாம் NEWYORK MOVIE AWARDS, AMERICAN GOLDEN INTERNATIONAL FILM FESTIVAL, MEDUSA FILM FESTIVAL, WORLD FILM CARNIVAL SINGAPORE உள்ளிட்ட நான்கு சர்வதேச திரைப்பட விழாக்களில் சிறந்த நடிகருக்கான விருதை பெற்றுள்ளார்.

 

இயக்குநரும் நடிகருமான பார்த்திபன் முயற்சியால் ஈர்க்கப்பட்ட ஆர்யன் ஷியாம் அவரது ‘அந்த நாள்’ திரைப்படத்தை பல்வேறு திரைப்பட விழாக்களுக்கு அனுப்பினார். மேலும், சமீபத்தில் பார்த்திபன் ஆர்யன் ஷியாமை வாழ்த்தி விரைவில் அவருடன் ஒரு படத்தில் பணியாற்றுவது குறித்தும் விவாதித்துள்ளார்.

 

ஆர்யன் ஷியாம் கதாநாயகனாக நடித்துள்ள ‘அந்த நாள்’ படத்தில் ஆதி பிரசாத் மற்றும் லீமா எஸ்.பாபு கதாநாயகிகளாக நடித்திருக்கிறார்கள். இவர்களுடன் கிஷோர் ராஜ்குமார், இமான் அண்ணாச்சி உள்ளிட்ட பல முன்னணி நட்சத்திரங்கள் நடித்திருக்கிறார்கள்.

 

இப்படத்தின் கதை, திரைக்கதையை ஆர்யன் ஷியாம் எழுத வி.வி.கதிரேசன் வசனம் எழுதி இயக்கியுள்ள ‘அந்த நாள்’ திரைப்படம் இதுவரை 8 சர்வதேச விருதுகளை வென்றிருப்பதோடு, மேலும் பல விருதுகளை வெல்லும் என்றும் எதிர்ப்பார்க்கப்படுகிறது.

Related News

8424

’நானே வருவேன்’ படத்திற்கு அதிகாலை காட்சிகள் இல்லாதது ஏன்? - தயாரிப்பாளர் தாணு விளக்கம்
Wednesday September-28 2022

‘திருச்சிற்றம்பலம்’ வெற்றியை தொடர்ந்து தனுஷ் நடிப்பில் வெளியாக இருக்கும் படம் ‘நானே வருவேன்’...

பாடலாசிரியர் சினேகன் மீது வழக்கு பதிவு! - நீதிமன்றம் அதிரடி
Wednesday September-28 2022

சீரியல் நடிகை ஜெயலட்சுமி தனது அறக்கட்டளை பெயரை பயன்படுத்தி பலரிடம் பணம் வசூலிப்பதாக, பாடலாசிரியர், நடிகர் மற்றும் மக்கள் நீதி மய்யம் பொறுப்பாளருமான சினேகன் காவல்துறையில் புகார் அளித்திருந்தார்...

அதிகாலை காட்சிகள் அனைத்தும் ஹவுஸ்புல்! - ‘பொன்னியின் செல்வன்’ முன்பதிவுக்கு அமோக வரவேற்பு
Tuesday September-27 2022

இந்திய திரையுலமே எதிர்பார்த்துக்கொண்டிருக்கும் பிரமாண்ட திரைப்படமான ‘பொன்னியின் செல்வன் - பாகம் 1’ வரும் செப்டம்பர் 30 ஆம் தேதி உலகம் முழுவதும் திரையரங்குகளில் வெளியாக உள்ளது...