3 டி-யில் வெளியாகும் சமந்தா படம்!
Friday September-30 2022

சமந்தா முதன்மை கதாப்பாத்திரத்தில் நடிக்கும் திரைப்படம் ‘ஷாகுந்தலம்’. உலகப்புகழ் பெற்ற காளிதாசின் ‘அபிஞான ஷாகுந்தலம்’ எனும் சமஸ்கிருத நாடகத்தினை தழுவி உருவாகும் இப்படம் மக்களிடையே மிகுந்த எதிர்ப்பார்ப்பை ஏற்படுத்தியுள்ளது. 

இப்படத்தின் கதை, உலகப் புகழ்பெற்ற புராதன காவியமான மகாபாரதத்தில் உள்ள ஷகுந்தலை மற்றும் ராஜா துஷ்யந்தன் அவர்களின் காதலை மையமாக வைத்து உருவாகிறது.  இதில் நடிகை சமந்தா. ஷகுந்தலையாகவும், தேவ் மோகன், ராஜா துஷ்யந்தனாகவும் நடித்துள்ளனர்.

அழகிய கதைக்களம் என்பதனை தாண்டி, இந்த படத்தில் திறமைமிகு  நட்சத்திர பட்டாளத்தை காணலாம். சச்சின் கேடேகர், கபீர் பேதி, டாக்டர் எம். மோகன் பாபு, பிரகாஷ்ராஜ், மதுபாலா, கௌதமி, அதிதீ பாலன், அனன்யா நாகலா மற்றும் ஜிஷு சென்குப்தா போன்றவர்கள் முக்கிய கதாபாத்திரங்களில் நடித்துள்ளனர். படத்தின் கூடுதல் ஈர்ப்பாக, நடிகர் அல்லு அர்ஜுனின் மகள் 'அல்லு அர்ஹா' இளவரசர் 'பரதர்' கதாபாத்திரத்தில் நடித்துள்ளார்.

இந்தி, தெலுங்கு, தமிழ், மலையாளம் மற்றும் கன்னடம் என பல்வேறு மொழிகளில் உருவாகியுள்ள இப்படம் 3டி தொழில்நுட்பத்தில் விரைவில் வெளியாக இருப்பதாக படக்குழு அறிவித்துள்ளது.