Latest News :

ஒரே நாளில் 10 லட்சம் பார்வையாளர்களை கடந்த விஜய் ஆண்டனியின் ‘ரத்தம்’ டீசர்
Tuesday December-06 2022

சி.எஸ்.அமுதன் இயக்கத்தில் விஜய் ஆண்டனி நடிப்பில் உருவாகியிருக்கும் ‘ரத்தம்’ படத்தின் டீசர் வெளியாகி ரசிகர்களிடம் பெரும் வரவேற்பை பெற்று வருவதோடு, ஒரே நாளில் 10 லட்சம் பார்வையாளர்களை கடந்துள்ளது.

 

இன்ஃபினிட்டி ஃபிலிம் வென்சர்ஸ் நிறுவனம் சார்பில் கமல் போஹ்ரா, ஜி.தனஞ்செயன், பி.பிரதீப் மற்றும் பங்கஜ் போஹ்ரா ஆகியோர் தயாரித்திருக்கும் இப்படத்தில் விஜய் ஆண்டனி நாயகனாக நடிக்க, ரம்யா நம்பீசன், மஹிமா நம்பியார், நந்திதா ஸ்வேதா உள்ளிட்ட பல முன்னணி நட்சத்திரங்கள் நடித்திருக்கிறார்கள்.

 

கண்ணன் இசையமைத்திருக்கும் இப்படத்திற்கு கோபி அமர்நாத் ஒளிப்பதிவு செய்திருக்கிறார். டி.எஸ்.சுரேஷ் படத்தொகுப்பு செய்துள்ளார்.

 

இப்படத்தின் டீசரின் வெளியீட்டு அறிவிப்பே பலரது கவனம் ஈர்த்தது. காரணம், கோலிவுட்டின் முன்னணி இயக்குநர்களான வெங்கட் பிரபு, வெற்றிமாறன், பா.இரஞ்சித் ஆகியோர் ’ரத்தம்’ படத்தின் டீசரில் இணையப் போகிறார்கள், என்பது தான்.

 

இந்த நிலையில், 90 விநாடிகள் ஓடக்கூடிய டீசர் வெளியாகி பார்வையாளர்களை வெகுவாக கவர்ந்திருப்பதோடு, இயக்குநர்கள் வெற்றிமாறன், வெங்கட்பிரபு மற்றும் பா. இரஞ்சித் ஆகியோர் படத்தின் கதையோட்டத்தை சொல்லியபடி பார்வையாளர்களை இதன் வலுவான காட்சிகளுக்குத் தயார் படுத்துகிறார்கள். குறிப்பிடத்தக்க வகையில், இந்த அனைத்து விஷயங்களும் திரைப்படத்தின் மீதான எதிர்பார்ப்பை அதிகரித்துள்ளது.

 

இந்த நிலையில், ‘ரத்தம்’ படத்தின் டீசர் ரசிகர்களிடம் மிகப்பெரிய வரவேற்பை பெற்றிருப்பதோடு, ஒரே நாளில் 10 லட்சத்திற்கும் அதிமான பார்வையாளர்களை கடந்திருப்பது படக்குழுவினரை உற்சாகப்படுத்தியுள்ளது.

 

Related News

8709

கிராம வாழ்க்கை அனுபவத்தைக் கொடுக்கும் ‘லா வில்லா’! - நடிகர் கார்த்தி திறந்து வைத்தார்
Friday March-01 2024

வேகமான உலகத்தில், அதிவேகமாக பயணிக்கும் மக்கள் இலைப்பாறுவதற்காக விடுமுறை நாட்களை கழிக்க, தேடிச் செல்லும் ரிசார்ட் போன்ற இடங்கள், ஆரவாரம் நிறைந்த, மன அமைதியை கெடுக்கும் இடங்களாக மாறி வரும் நிலையில், அமைதியான சூழல், அழகிய நிலப்பரப்பு, ஆரோக்கியமான உணவு, செயற்கைத்தனமற்ற இயற்கை வாழ்க்கை அனுபவத்தை அளிக்கும் ஒரு அருமையான வில்லா சென்னை அருகே திறக்கப்பட்டுள்ளது...

திரையரங்க அதிபரான தயாரிப்பாளர் தாய் சரவணன்!
Friday March-01 2024

’ஆதலால் காதல் செய்வீர்’, ’மாவீரன் கிட்டு’, ’வில் அம்பு’ என தமிழ் சினிமாவில் தரமான படைப்புகள் மூலம் கவனம் ஈர்த்த முன்னணி தயாரிப்பாளர் தாய் சரவணன், தற்போது திரையரங்க அதிபராகியுள்ளார்...

’பொன்னியின் செல்வன்’ நடிகர் தொடங்கிய அதிநவீன உடற்பயிற்சி கூடம்!
Thursday February-29 2024

‘பொன்னியின் செல்வன்’ படத்தில் கார்கா என்ற கதாபாத்திரத்தில் நடித்து அசத்தியவர் பரத் ராஜ்...